ۇمىت قالدىرىلعان قوراپ استانا اۋەجايىن ابىگەرگە سالدى
بۇل تۋرالى اۋەجايدىڭ باسپا ءسوز قىزمەتى حابارلايدى.
تالاپتارىنا سايكەس اتالعان زات تۋرالى استانا اۋەجايىنداعى ج پ ب كەزەكشىلىك بولىمىنە حابارلاندى.
ءبىر ساعاتتان استام ۋاقىت ىشىندە اەروۆوكزال كەشەنىندە اۋەجاي قىزمەتتەرى مەن ۋاكىلەتتى ورگانداردىڭ كۇشىمەن جولاۋشىلاردى ەۆاكۋاتسيالاۋ(كوشىرۋ) جانە كۇدىكتى جولاۋشىلاردى ىزدەستىرۋ جۇمىسى جۇرگىزىلدى.
قاۋىپسىزدىك ماقساتىندا تەرمينال جانىنداعى الاڭ قورشاۋعا الىندى. تەكسەرىس بارىسىندا اۋەجايدان 350 جولاۋشى جانە 140 قىزمەتكەر ەۆاكۋاتسيالاندى. ۋاكىلەتتى ورگاندار ماماندارى اتالعان قوراپتىڭ جارىلعىش زات ەمەستىگىن راستادى. ساعات 21.55 تە جۇمىس اياقتالدى.
اۋەجاي قىزمەتكەرلەرىنىڭ ۋاقتىلى جەدەل جاۋاپ بەرۋ ارقاسىندا استانا اۋەجايىندا كۇندەلىكتەرى بار قوراپتى شىمكەنت قالاسىنا ۇشىپ كەتكەن جولاۋشى ۇمىت قالدىرعانى انىقتالدى.