پروفەسسوردىڭ ستۋدەنتتەرگە ايتقان اقىلى

استانا. قازاقپارات - پروفەسسور ساباققا كىرىپ كەلدى دە قولىنا كەسە الدى. سودان سوڭ ستۋدەنتتەرگە قاراپ:

-  بۇل كەسەنىڭ سالماعى قانشا؟ -  دەپ سۇرادى.

اۋديتوريادان "200 گرام"، "400 گرام" دەگەن داۋىستار ەستىلدى. پروفەسسور:

- ءيا، قالاي بولعاندا دا بۇل كەسە وتە جەڭىل. ال مەن بۇنى قولىمدى سوزىپ ەكى مينۋت ۇستاپ تۇرسام نە بولادى؟ - دەپ تاعى سۇراق قويدى.

ستۋدەنتتەر:

- ەشتەڭە بولمايدى، - دەپ جاۋاپ بەردى.

- ەكى ساعات بويى ۇستاپ تۇرسام شە؟

- قولىڭىز تالىپ قالادى!

- ودان دا ۇزاق ۋاقىت بويى ۇستاپ تۇرسام شە؟

- قولىڭىز جانسىزدانادى، بۇلشىقەتتەرىڭىزگە زاقىم كەلەدى، - دەدى ستۋدەنتتەر.

- بۇل پروبلەمانى شەشۋ ءۇشىن نە ىستەۋ كەرەك؟ - دەپ سۇرادى پروفەسسور.

- كەسەنى ورنىنا قويۋ كەرەك، - دەپ جاۋاپ بەردى ستۋدەنتتەر.

سوندا وقىتۋشى ولارعا جاقىنداپ كەلىپ:

- دۇرىس ايتتىڭدار. ومىردە دە سولاي. باسقا تۇسكەن ءاربىر ۇساق قيىندىقتاردى قاتتى ۋايىمداپ، ويىڭىزدان شىعارماي قويساڭىزدار، ول ءتۇپتىڭ تۇبىندە سەندەردى اۋرۋ قىلادى. بۇنداي جاعدايدا ۋايىمعا سالىنۋدىڭ ورنىنا، ارەكەت ەتىڭدەر. پروبلەمانى شەشەتىن ۋايىم ەمەس، ءىس-ارەكەت. وسىنى ۇمىتپاعايسىزدار، - دەپ ءسوزىن اياقتادى.

 

سۋرەت: motto.net.ua