بەيجىڭدە ق ر مەن ق ح ر- دىڭ اۋىل شارۋاشىلىق سالاسىنداعى ىنتىماقتاستىق ماسەلەسى تالقىلاندى

بەيجىڭ. قازاقپارات - ق ح ر- داعى قازاقستاننىڭ ەلشىسى شاحرات نۇرىشيەۆ «Shaanxi Food & Agriculture Group Co.LTD» اۋىل شارۋاشىلىق كومپانياسى باس ديرەكتورىنىڭ ورىنباسارى ليۋ چجيتسيۋنمەن كەزدەسۋ وتكىزدى، دەپ حابارلايدى «قازاقپارات» ح ا ا- نىڭ وسى ەلدەگى ءتىلشىسى.

كەزدەسۋ بارىسىندا ەكى جاق قازاقستاندىق ۇن، ءبيداي، ماي ونىمدەرىن يمپورتتاۋ پەرسپەكتيۆالارىن، سونداي-اق جوبالاردى قازاقستان جەرىندە جۇزەگە اسىرۋ مەن ق ر اۋىل شارۋاشىلىق كەشەنىنە ينۆەستيتسيا قۇيۋ ماسەلەسىن تالقىلادى.

ليۋ چجيتسيۋن قازاقستاننىڭ اۋىل شارۋاشىلىق ونىمدەرى الەمدىك نارىقتا ءبىرقاتار باسىمدىقتارى مەن باسەكەگە قابىلەتتىلىگىمەن ەرەكشەلەنەتىنىن، سونىڭ ىشىندە ەكولوگيالىق تازا، سالىستىرمالى تۇردە ارزان، جوعارى ساپالى ەكەنىن اتاپ ءوتتى.

بۇدان بولەك، قىتايلىق كومپانيا ق ر اۋىل شارۋاشىلىق كەشەنىنە كەيىن ق ح ر- عا ەكسپورتتاۋ ءۇشىن ءونىمدى تەرەڭ وڭدەۋمەن اينالىساتىن كاسىپورىندار مەن زاۋىتتار سالۋ ارقىلى ينۆەستيتسيا قۇيعىسى كەلەتىندەرىن ايتتى.