سولتۇستىك كورەيادا سۇڭگۋىر قايىق جوعالىپ كەتتى

استانا. قازاقپارات - سولتۇستىك كورەيانىڭ اسكەريلەرى سۇڭگۋىر قايىقتارىن جوعالتىپ الدى.

قازىرگى تاڭدا سولتۇستىك كورەيا تارابى ىزدەستىرۋ جۇمىستارىن جۇرگىزىپ جاتىر. بۇل تۋرالى ا ق ش- تىڭ CNN تەلەارناسىنا سىلتەمە جاساي وتىرىپ، russian.rt سايتى حابارلايدى.

تەلەارنانىڭ اقپاراتىنا سۇيەنسەك، سۋاستى قايىعى كورەي تۇبەگى اۋماعىندا جۇزگەن. ونىڭ باعىتىن ا ق ش اسكەريلەرى دە باقىلاپ وتىرعان. ءبىرشاما ۋاقىتتان كەيىن سۋاستى كولىگى توقتاعان، كەيىن سولتۇستىك كورەيا تارابى ونى ىزدەي باستاپتى. تەلەارنانىڭ اقپاراتى بويىنشا بايلانىس جۇيەسىندەگى اقاۋدان ونىمەن اقپارات الماسۋ ۇزىلگەن بولۋى مۇمكىن.

www.24.kz