الەم ارۋى اتانعان مودەل يسلام ءدىنىن قابىلداپ، دۋبايعا كوشىپ كەلدى - فوتو
11:41, 11 - ناۋرىز 2016
استانا. قازاقپارات - «الەم ارۋى» اتاعىنىڭ يەگەرى، بەلگىلى ءسانقوي ماركەتا كورينكوۆا يسلام ءدىنىن قابىلداپ، ەندىگى ءومىرىن ب ا ءا- دە وتكىزەتىن بولىپ شەشتى دەپ جازادى muslim.kz.
يسلامداعى ايەلدەر مارتەبەسىن جايلى وقىپ-ءبىلۋ ونىڭ اقىر سوڭىندا مۇسىلمان اتانۋىنا الىپ كەلىپتى.
لوندون قالاسىنداعى كيىم وندىرەتىن جانە پراگا قالاسىندا جارناما كومپانيالارىنىڭ قوجايىنى بولا تۇرا ول ءوزىنىڭ ۇزاق ۋاقىت بويى كۇيزەلىستە بولعانىن ايتادى. بۇدان ارىلۋ ءۇشىن ول، ءتىپتى، حريستيان دىنىنە تەرەڭ بوي ۇسىنعان. ءبىراق، بىردە-ءبىر كومەگى بولماعان كورىنەدى.
ول ءوز ىزدەگەنىن قاسيەتتى قۇراننان تاپقاسىن مۇسىلماندىقتى قابىلداپ، اللا ءدىنىن ۇيرەنۋگە دەن قويعان. «دۋبايدا تۇرعىم كەلەدى. اللا ءدىنىن تەرەڭىرەك تانىپ-بىلۋىمە وسى جەردە تۇرعانىم وڭ سەپتىگىن تيگىزەدى»، - دەيدى ول.