الەم ەستافەتاسى جاستاردىڭ سەنىمدى قولىندا - ا. ءابدۋالى - فوتو

تاراز. قازاقپارات - بۇگىن قاراعاندى مەملەكەتتىك تەحنيكالىق ۋنيۆەرسيتەتىنىڭ (قار م ت ۋ) الاڭىندا وتكەن «الەم ەستافەتاسى - جاستارعا!» اتتى رەسپۋبليكالىق جاستاردىڭ يادروعا قارسى ونلاين- فورۋمىندا قوعام قايراتكەرلەرى، ج و و- نىڭ رەكتورلارى ءسوز سويلەدى.

تاراز قالاسىنداعى م- ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ تەحنولوگيالىق كورپۋسىنىڭ عيماراتىندا قالاداعى ج و و- نىڭ ستۋدەنتتەرى مەن وقىتۋشىلارى، «نەۆادا- سەمەي» يادروعا قارسى حالىقارالىق قوزعالىستىڭ جامبىل ءبولىمىنىڭ قىزمەتكەرلەرى، قوعامدىق جانە جاستار ۇيىمدارىنىڭ وكىلدەرى جينالدى.

م- ح. دۋلاتي اتىنداعى تار م ۋ- دىڭ ءبىرىنشى پرورەكتورى اسقار ءابدۋالى «نەۆادا- سەمەي» حالىقارالىق يادروعا قارسى ورتالىعى جانە ونىڭ جامبىلدىق ءبولىمى، جامبىل وبلىسى جانە تاراز قالاسىنىڭ اكىمدىكتەرى، «نۇر وتان» پارتياسىنىڭ جاس وتان» ج ق 28 -ناۋرىزدا تارازدا «الەم ەستافەتاسى - جاستارعا» اتتى وبلىستىق جاستار فورۋمىن دايىنداپ وتىرعانىن اتاپ ءوتتى.

«بۇل فورۋمدا عالامشار جاستارىنا ۇندەۋ، بىتىمگەر انتى قابىلدانىپ، سونداي-اق «نيەۆادا- سەمەي» حالىقارالىق يادروعا قارسى قوزعالىسىنىڭ قۇرىلىمى رەتىندە وبلىستىق جاستار اليانسى قۇرىلادى. الەم فورۋمىنىڭ ەستافەتاسىن وبلىستاردىڭ اراسىندا ءبىرىنشى بولىپ پاۆلودارداعى فيليال جەتەكشىسى قابىلدايدى. الەم ەستافەتاسى تاراز جاستارىنىڭ بەرىك جانە سەنىمدى قولىندا ەكەنىن ايتقىم كەلەدى»، - دەدى ا. ءابدۋالى.

ەسكە سالا كەتەيىك، 2016 -جىلدىڭ 29 -تامىزىندا ق ر پرەزيدەنتى ن. نازاربايەۆتىڭ «سەمەي سىناق يادرولىق پوليگونىن جابۋ تۋرالى» جارلىعىنا قول قويىلعانىنا 25 جىل تولادى. ونلاين-رەجيمدەگى فورۋمنىڭ جۇمىسىنا ەلدەگى 17 ج و و- نىڭ رەكتورلارى، ستۋدەنتتەر مەن وقىتۋشىلار، عىلىم الەمىنىڭ وكىلدەرى، قالىڭ جۇرتشىلىق، ب ا ق وكىلدەرى قاتىستى. فورۋمنىڭ قاتىسۋشىلارى قازاقستاننىڭ ءوز اۋماعىندا يادرولىق پوليگونداردىڭ جابىلۋىنا قول جەتكىزگەن جانە بۇعان الەمنىڭ بۇكىل ەلدەرىن شاقىرعان الەمدەگى ءبىرىنشى مەملەكەت بولعانىن اتاپ ءوتتى.