بۇل تۋرالى Press Trust of India اقپارىنا سۇيەنگەن ras.kz حابارلادى.
«ەلگە ۆيزاسىز كەلگەندىكتەن، سوتتى بولىپ، قازىرگى كۇندەرى بحوپالا تۇرمەسىندە جازاسىن ءوتىپ جۇرگەن وزبەكستان ازاماتشاسى قىز تۋىپ الدى»، - دەلىنگەن حابارلامادا.
جاسى 35 تەگى وزبەك كەلىنشەگى ءۇندىستانعا وتكەن جىلى ۆيزاسىز كەلگەن. بۇقارالىق اقپارات قۇرالدارىنىڭ مالىمەتىنشە، بارنو دجۋرايەۆا 2015 -جىلعى 6 -جەلتوقساندا دجادحەدي قالاسىندا قاماۋعا الىنعان.
ايەل بيىلعى 5 -ناۋرىزدا ءىشىنىڭ ءبۇرىپ اۋىرا باستاعانىن ايتقان. وسىدان كەيىن ول تۇرمە اۋرۋحاناسىنا جەتكىزىلگەن. ونىڭ سوڭىندا كەلىنشەكتىڭ قىز تۋعانى ايتىلادى.
بارنو تۇرمەگە تۇسكەن كەزىندە ىشىندە 6 ايلىق بالاسى بولعان.
پوليتسيانىڭ مالىمەتى بويىنشا، وزبەك ايەلى نەپالدان ءۇندىستانعا جاياۋ ءجۇرىپ جەتكەن. ول 6 جەلتوقسان كۇنى بحوپالادا وزىنە ۆيزا جاساپ بەرۋگە ۋادە ەتكەن ەر كىسىمەن كەزدەسۋگە كەلگەن.
قازىرگى تاڭدا بوسانعان ايەل سوتتىڭ وزىنە قاتىستى شەشىمىن كۇتىپ وتىر.