پاۆلودار قىمىزى قىتاي نارىعىندا ساۋدالانباق

پاۆلودار. قازاقپارات - پاۆلوداردىڭ قىمىزى مەن قۇرتىنىڭ ءبىرىنشى لەگى قىتايعا جونەلتىلدى. بۇل تۋرالى «قازاقپارات» تىلشىسىنە «ساعىپ» شارۋا قوجالىعىنىڭ يەسى تولەۋ قۇشمانوۆا ايتتى.

 «ءبىزدىڭ دەلدال قىتايدا تۇرادى، جۋرناليست بولىپ قىزمەت ەتەدى. ول پاۆلوداردا بولىپ، ءبىزدىڭ شارۋاشىلىقپەن تانىستى. ءونىمنىڭ ءبىرىنشى پارتياسىن سەرتيفيكاتسياعا اپاردى. دۇكەندەردەن 180 كەلى قۇرت پەن 300 ليتر قىمىزعا سۇرانىس ءتۇستى. بىرتىندەپ جاڭا نارىقتى يگەرىپ جاتىرمىز. ماقساتىمىز ءوزىمىزدى وزگەلەرگە تانىستىرۋ، قىمىزدى قازاقستاندىق برەند قىلۋ»، - دەيدى كاسىپكەر.

 «كوپ جوسپارىمىز بار، - دەدى تولەۋ. - قۇرت ءوندىرىسىن ارتتىرامىز. قازىر كۇنىنە 20-30 كەلى قۇرت وندىرىلەدى، ونى 200-300 كەلىگە جەتكىزۋدى كوزدەپ وتىرمىز. بۇل ءۇشىن ءسۇتتى ءىرى قارانىڭ سانىن ارتتىرۋ قاجەت، ەڭ كەمى تاعى ءجۇز ءىرى قارا ساتىپ الۋ كەرەك. بيەلەردىڭ سانىن دا كوبەيتكەن ءجون. قىمىزعا دەگەن سۇرانىس كوپ. قاراشا ايىنان استانانىڭ سەگىز ءىرى سۋپەرماركەتى ءبىزدىڭ ءونىمدى الىپ جاتىر».

«ساعىپ» ش ق يەسىنىڭ سوزىنە قاراعاندا، قىمىزدى پاۆلودار قالاسىنداعى ءىرى سۋپەرماركەتتەر مەن 25 شاعىن دۇكەن دە ساتىپ الادى ەكەن.

 وسىعان دەيىن ماسكەۋلىكتەر دە پاۆلودارلىق قىمىزدىڭ ءدامىن تاتىپ ۇلگەرگەن.

 «ازىرگە 300 ليتردەن قىمىز جىبەرەمىز. ونى پويىزبەن جەتكىزەمىز. الايدا پويىزدىڭ قوزعالىسىنان ءونىم ءسال توگىلەدى. سوندىقتان قاپتامانى وزگەرتۋ ۇسىنىسى كەلىپ ءتۇستى. ماسكەۋدەگى سەرىكتەستەرىمىز - «باۋىرساق» ساۋدا جەلىسى، ولار قازاقستاندىق ءونىمدى عانا ساتادى. بىزگە سۇرانىس كەلىپ تۇسەدى، ءونىمدى پويىزبەن جىبەرەمىز، ۇشاقپەن جونەلتكەن كەزدەرىمىز دە بولدى»، - دەدى ول.

 جۋىردا، بەلگىلى بولعانداي، پاۆلودارلىق نازىك جاندى كاسىپكەر تولەۋ قۇشمانوۆا 8 - ناۋرىز مەرەكەسىنە وراي ق ر پرەزيدەنتىنىڭ قابىلداۋىنا شاقىرۋ العان.

«بۇل مەن ءۇشىن ۇلكەن قۋانىش، - دەدى ول. - بۇل مەن ءۇشىن ەرەكشە 8 ناۋرىز بولماق. نۇرسۇلتان ءابىش ۇلى نازاربايەۆپەن ەكىنشى رەت كەزدەسپەكپىن. 2014 - جىلى بولعان ءبىرىنشى كەزدەسۋدە وعان پاۆلوداردىق قىمىز قازاقستاننىڭ ۇلتتىق برەندىنە اينالادى جانە ءبىز ەكسپورتقا شىعامىز دەپ ءسوز بەرگەنمىن. ەكىنشى كەزدەسۋىمدە ۋادەمدى ورىنداعانىمدى ايتامىن».

 ەسكە سالا كەتەيىك، پاۆلودارلىق ىسكەر ايەل تولەۋ قۇشمانوۆا 2007 - جىلى ءوز ءىسىن اشپاق بولدى. ول كەزدە ونىڭ شارۋاشىلىعىندا ءۇش بيە عانا بولدى. 2011 - جىلدان «ساعىپ» ش ق بوتەلكەگە قۇيىلعان قىمىزدى شىعارا باستادى. جوبا «بيزنەستىڭ جول كارتاسى - 2020» باعدارلاماسى ارقىلى جۇزەگە استى. قازىر شارۋاشىلىقتا شامامەن 400 جىلقى بار، ونىڭ 180- ءس ساۋىلادى. فەرمادا 26 جۇمىسشى جۇمىس ىستەيدى. پاۆلودارلىق قىمىز قازاقستانداعى جانە شەتەلدەردەگى ءتۇرلى كورمەلەر مەن جارمەڭكەلەرگە قاتىسادى. «ساعىپ» شارۋاشىلىعى قازاقستاننىڭ اگرو ونەركاسىپ كەشەنىنىڭ «قاراوتكەل جارمەنكەسى-2012» بايقاۋ- جارمەڭكەسىندەگى جەڭىمپازداردىڭ ءبىرى بولدى.

 وتكەن جىلى ش ق ماسكەۋدەگى قازاقستاندىق ءونىم كورمەسىنە قاتىستى، كەيىن پاۆلودارلىق قىمىزدان يتالياداعى  ЕXPO Milano-2015  قاتىسۋشىلارى ءدام تاتا الدى.