ادام سەنبەيتىن تابيعات قۇبىلىسى ايماقتا بولعان نوسەر جاۋىننان كەيىن باستالعان، دەپ جازادى epochtimes.ru.
وتكەن كۇزدە بۇل شولدە داۋىلدار مەن نوسەرلى جاڭبىرلار بولىپ، جەرگىلىكتى جولداردىڭ كوپ بولىگىن شايىپ تاستادى. جاڭبىر سۋى بىرنەشە ونداعان جىلدار بويى شولگە جەلمەن ۇشىپ كەلگەن تالاي وسىمدىكتەردىڭ تۇقىمدارىنا ءومىر بەردى. ەندى القاپ كوپتەگەن تۋريستەردى تارتىپ وتىرعان الۋان ءتۇرلى گۇلدەرگە تولدى.
ءولىم القابى عالامشارداعى ەڭ ىستىق اۋماقتاردىڭ ءبىرى بولىپ سانالادى. شولدەگى ورتاشا اۋا تەمپەراتۋراسى 46 گرادۋستى قۇرايدى. جەر بەتىندە 57 گرادۋس بولعان ەڭ جوعارى تەمپەراتۋرا دا وسى جەردە تىركەلگەن. كەي جىلدارى شولدە جاۋىن-شاشىن مۇلدەم بولماعان.
عالىمدار شولگە تۇسكەن جاۋىنداردى سوڭعى كەزدە بەلسەندىلىگى جوعارىلاعان ەل-نينو قۇبىلىسىمەن بايلانىستىرىپ وتىر.