جەزقازعانعا قونعان كاپسۋلانى عارىشكەرلەردىڭ ءوزى اشىپ شىقتى
ونىڭ قۇرامىندا وربيتادا ءبىر جىل جۇمىس ىستەگەن سكوتت كەللي مەن ميحايل كورنيەنكو، سونداي-اق، جارتى جىلىن جەردەن جىراقتا وتكىزگەن سەرگەي ۆولكوۆ بار دەپ حابارلايدى ك ت ك ارناسى.
كاپسۋلا جەزقازعان قالاسىنىڭ ماڭايىنا قوندى. كۇتىپ الۋشىلار ادەتتەگىدەي ونىڭ قاقپاعىن اشۋعا كومەكتەسكەن جوق. عارىشكەرلەر اپپاراتتى وزدەرى اشىپ، سىرتقا شىقتى.
بۇنى مارسقا ۇشۋعا دايىندىق دەۋگە بولادى. ويتكەنى 340 كۇن بويى قالىقتاعان كۇيدە عارىشتا جۇرگەندەر ءدال وسىلاي قىزىل پلانەتادا دا 2 جىل قاتارىنان ءومىر ءسۇرۋى ءتيىس. وندا، ءتىپتى ءتۇرلى زياندى تولقىنداردىڭ اسەرى بولۋى مۇمكىن.
سوندىقتان، ناسا عارىشكەرلەرگە تالاپتى كۇشەيتىپ، كەمەدەن ءوز كۇشىمەن جەرگە تۇسۋگە مىندەتتەگەن. ەكسپەديتسيادان امان-ەسەن ورالعانداردىڭ ورنىنا وسى كوكتەمدە باسقا ماماندار بارادى. ولار دا مارستا ۇزاق مەرزىم ءومىر سۇرۋگە قاتىستى زەرتتەۋلەردى جالعاستىراتىن بولادى.