ساقالدى بريتاندىق جىگىت ايەلدىڭ تولقۇجاتىمەن ەش كەدەرگىسىز گەرمانياعا ۇشىپ كەلدى

 دەپ جازادى The Sun بريتاندىق باسىلىم.

دجوش ريد ستانستەد اۋەجايىنان تەكسەرىستەن كەدەرگىسىز ءوتىپ، نەمىستىڭ دورتمۋند قالاسىنا ىڭ- شىڭسىز جەتكەن. سول جەرگە جەتكەندە عانا ول ءتولقۇجاتىن ۇيدە ۇمىتىپ، ورنىنا قۇربىسى سوفي ۋوتكينستىڭ قۇجاتىن الىپ كەتكەنىن ءبىلدى. قۇجات تەكسەرگەندەردىڭ بىردە- ءبىرى مۇنى زەر سالىپ تەكسەرمەگەن.

ريدتىڭ ايتۋىنا قاراعاندا، قۇربىسى ەكەۋى ءبىر بىرىنە ۇقسامايدى، ءارى ونىڭ اياعى اۋىر (7-اي)، بويى 1,57 مەتر عانا. ەكەۋىنىڭ تەگى دە ەكى ءتۇرلى.

«بۇل وقيعا ەگەر ەكى ادامنىڭ ءتۇرى ءبىر- بىرىنە ۇقساسا، جاساندى تولقۇجاتپەن باسقا ەلگە ءوتىپ كەتۋ جەڭىل بولادى دەگەن وي تۋادى»، - دەيدى ول.

گەرمانيادان ەلىنە قايتقان ريد جولدا جۇرگىزۋشى كۋالىگىن كورسەتۋگە ءماجبۇر بولدى، ال سوفيدىڭ ءتولقۇجاتىن كۋرەر ارقىلى كەرى قايتاردى.

اۋەجايدا مۇنداي وقيعا قايتالانباس ءۇشىن شارا قولداناتىنىن مالىمدەدى. الايدا جولاۋشىلار تۇلعاسىن راستايتىن قۇجاتقا تىكەلەي ءوزى جاۋاپتى ەكەندىگىن دە اتاپ ءوتتى.