العىس ايتۋ كۇنى - ەل بىرلىگىن ودان ءارى بەكىتە تۇسەتىن كۇن - ب ق و اكىمى
«بيىلعى جىلى قازاقستاندىقتار العاش رەت العىس ايتۋ كۇنىن اتاپ وتۋدە. قازاقستاندا العىس ايتۋ كۇنى تۋرالى ەلباسى نۇرسۇلتان ءابىش ۇلى نازاربايەۆ «قازاقستان حالقى اسسامبلەياسى قۇرىلعان كۇن - 1- ناۋرىزدى جىل سايىن بارلىق ەتنوستاردىڭ ءبىر-بىرىنە مەيىرباندىق تانىتىپ، ول ادامداردى ءوز تۋعانىنداي قابىلداعان قازاقتارعا العىس ايتۋ كۇنى رەتىندە اتاپ ءوتۋ ادىلەتتى بولار ەدى. ول كۇن ءبىزدى بۇرىنعىدان دا گورى جاقىنداستىرا تۇسپەك. بۇل كۇن مەيىرىمدىلىكتىڭ، بۇكىل قازاقستاندىقتاردىڭ ءبىر-بىرىنە دەگەن دوستىعى مەن ماحابباتىنىڭ جارقىن مەرەكەسى بولا الار ەدى»، - دەگەن بولاتىن قازاقستان حالقى اسسامبلەياسىنىڭ ХХІІ سەسسياسىندا سويلەگەن سوزىندە.
العىس ايتۋ كۇنىن بەلگىلەۋ - ەلىمىزدە تۇرىپ جاتقان بارلىق ەتنوستاردىڭ ىنتىماعى، بىرلىگى مەن دوستىعىن ودان ءارى بەكىتە تۇسەدى دەگەن سەنىمدەمىن. بۇل كۇن قيىن-قىستاۋ ۋاقىتتى بىرگە وتكەرگەن جانە ەڭ قىسقا مەرزىم ىشىندە تاۋەلسىز قازاقستاندى بىرگە قۇرعان ازاماتتاردىڭ ءبىر-بىرىنە دەگەن ءوزارا قۇرمەتىنىڭ، مەيىرىمدىلىگىنىڭ، دوستىعىنىڭ مەرەكەسى بولماق. بۇل ورتاق تاريحىمىزعا، جىلدار بويى ەلىمىزدە دوستىق پەن ءوزارا تۇسىنىستىكتى قالىپتاستىرعان اعا ۇرپاققا، ءبىزدىڭ اكەلەرىمىز بەن اتالارىمىزعا دەگەن قۇرمەت.
سىزدەردى جاڭا مەيرام - العىس ايتۋ كۇنىمەن شىن جۇرەكتەن قۇتتىقتايمىن! سىزدەر ورتاق ءۇيىمىز - قازاقستان رەسپۋبليكاسىن الەۋمەتتىك-ەكونوميكالىق تۇرعىدان دامىتۋعا ۇلەس قوسىپ، ەڭبەك ەتىپ كەلەسىزدەر.
بۇگىنگى مەرەكە «ماڭگىلىك ەل» ورتاق يدەياسى ارقىلى قازاقستاندىق بىرتەكتىلىك پەن بىرلىكتى، پاتريوتيزمدى نىعايتۋدىڭ، قوعامدى بىرىكتىرۋدىڭ تاعى ءبىر سيمۆولى رەتىندە جۇرەكتەرىمىزدەن ورىن السىن.
ءار وتباسىعا بەيبىتشىلىك پەن بەرەكە، تابىس پەن وركەندەۋ تىلەيمىن!» دەلىنگەن قۇتتىقتاۋدا.
اۆتور: ەلجان ەرالى