«كوپشىلىگى زورلىقپەن قونىس اۋدارىلدى. كەيىنىرەك، زامان تۇزەلگەننەن كەيىن ولار وزدەرىنىڭ تاريحي وتاندارىنا ورالدى. ولاردىڭ بارلىعىنىڭ دا قازاقستانعا العىسى شەكسىز. ولار بۇل جەر وزدەرىن قۇتقارعانىن ايتادى. تەل- اۆيۆكە بارعانىمدا ادامدار مەن قوناق ءۇي الدىنان شەرۋگە شىققانداي قارسى الدى. بۇل نە، دەپ تۇسىنبەي قالعان ەدىك. سويتسەك، ءوز وتاندارىنا ورالعان ءبىزدىڭ ەۆرەيلەر ەكەن، العىستارىن ءبىلدىردى. گەرمانياعا بارساڭ ول جاقتا دا ءبىزدىڭ نەمىستەر وسىلاي ىستەيدى. پولياكتار دا، كاۆكازدىقتار دا. ياعني، بۇل العىس، بۇل قايىرىمدى نيەتتەستىك ءبىزدىڭ كوپەتنوستى قازاقستانىمىزدىڭ مارتەبەسىن بيىكتەتەدى جانە بىزدە تۇراقتىلىق ورناعان ءارى گۇلدەنۋ ۇستىندەمىز»، - دەدى ن. نازاربايەۆ.
ق ر پرەزيدەنتى سول قيىن- قىستاۋ زاماندا ءوزىنىڭ جوقشىلىقتا ءومىر سۇرگەنىنە قاراماستان بارلىق قازاق وتباسىلارى جەر اۋدارىلعانداردىڭ وتباسىلارىن قابىلداعانىن باسا ايتتى.
«ولاردىڭ ءبىرى مەنىڭ دە وتباسىمدا بولدى. اۋىلدىڭ 2 بولمەلى ۇيىندە تۇرىپ جاتقان بەسەۋمىزدىڭ ۇستىمىزگە تاعى 5 ادامدى قابىلداپ، سولارمەن بىرگە قىستان شىعۋعا، ءومىر سۇرۋگە تۋرا كەلدى»، - دەدى مەملەكەت باسشىسى.
اۆتور: مارلان جيەمباي