مەكسيكا بيلىگى مىڭداعان مۇعالىمدەردى جۇمىستان شىعارۋدا

 دەپ حابارلادى لاتىن امەريكالىق ەلدىڭ ءبىلىم ءمينيسترى اۋرەليو نۋنو.

ونىڭ ايتۋىنشا، مەكسيكاداعى 134 مىڭ ءبىلىم قىزمەتكەرىنىڭ ىشىنەن تاعى 15,3 پايىزى اتتەستاتتاۋدا قاناعاتتانارلىقسىز ناتيجەلەر كورسەتىپ، سىناقتان وتە المادى. جۇمىستان شىعارىلعاندارعا قاراعاندا، بۇل مۇعالىمدەرگە سىناقتان ءبىر جىل ىشىندە وتۋگە تاعى ءبىر مۇمكىندىك بەرىلەدى.

جالپى العاندا، اتتەستاتتاۋ تەستىلەرىن مۇعالىمدەردىڭ 36,2 پايىزى «قاناعاتتانارلىق» ، 40,5 پايىزى - «جاقسىعا» تاپسىرسا، «وتە جاقسى» باعاسىن نەبارى 8 پايىزى العان.

مەكسيكالىق مۇعالىمدەر مەن ولاردىڭ كاسىپوداقتارى سوڭعى جىلدارى ۇكىمەتكە قارسى ءتۇرلى اكسيالارعا قاتىساتىن قۋاتتى كۇشكە اينالدى. مۇعالىمدەر (مەكسيكادا مۇعالىمدەرىنىڭ جارتىسىنا جۋىعى - ەر ادامدار) ايماقتاردا بيلىك ورگاندارىنىڭ عيماراتتارىن تالاي رەت باسىپ الىپ، مەحيكودا كوپ مىڭ ادام قاتىسقان شەرۋلەرگە شىقتى جانە ەل استاناسىنىڭ اۋەجايىنىڭ جۇمىسىن توقتاتىپ قويعان.

 ولاردىڭ نارازىلىعىنىڭ باستى ماقساتى پرەزيدەنت ەنريكە پەنيا نەتونىڭ ءبىلىم بەرۋ سالاسىندا جۇمىس ىستەۋ قۇقىق نورمالارىن قاتاڭداتۋدى كوزدەپ وتىرعان رەفورماسى بولدى.