بايقوڭىر تۋريستەردى قابىلداۋعا دايىن
دەپ حابارلادى جەردەگى عارىش ينفراقۇرىلىمدار نىساندارىن پايدالانۋ ورتالىعى باس ديرەكتورىنىڭ مىندەتىن اتقارۋشى رانو دجۋرايەۆا.
جۇما كۇنى قايتا قالپىنا كەلتىرۋدەن كەيىن «كرايني» ايرودرومىنىڭ ۇشۋ- قونۋ جولاعى اشىلدى. وسىلايشا، 2013 -جىلى ۋاقىتشا توقتاتىلعان عارىش ايلاعى مەن بايقوڭىر قالاسى اراسىنداعى اۋە باعىتى قالپىنا كەلتىرىلدى. قالپىنا كەلتىرۋ جۇمىستارىنان كەيىن ۇشۋ- قونۋ جولاعى 3100 مەترگە دەيىن ۇزاردى، ەندى «كراينيي» بارلىق اۋە كەمەلەرىن قابىلداي الادى، دەپ حابارلادى «ر ي ا نوۆوستي» اگەنتتىگى.
«بايقوڭىرعا بارعىسى كەلەتىن تۋريستەرگە قوناق ۇيدەن 300 ورىن بولە الامىز. بايقوڭىرعا بارۋعا دەگەن سۇرانىستى انىقتاعىمىز كەلەدى. سونىمەن قاتار، قازىر ەكى قوناق ءۇي سالىنىپ جاتىر. ولار بيىل قولدانىسقا بەرىلىپ، تۋريستتىك ينفراقۇرىلىمعا ەنگىزىلۋى مۇمكىن»، - دەدى دجۋرايەۆا.
ونىڭ سوزىنە قاراعاندا، اعىمداعى جىلدان بايقوڭىرعا تۋريستتەردىڭ كەلۋىنە جاعداي جاسايتىن رەسەيلىك كومپانيالاردىڭ ءتىزىمى قۇراستىرىلدى.
ەسكە سالا كەتەيىك، وسىعان دەيىن بايقوڭىر جانە ۆوستوچنىي عارىش ايلاقتارىندا 40-تان استام وپەراتور تۋريزمدى دامىتاتىنىن حابارلادى. ولاردىڭ 6 رەسەي ايماقتارىنىڭ، 7 قازاقستاننىڭ جانە 1 وزبەكستاننىڭ تۋريستىك وپەراتورلارى.