ياعني ۇستەل باسىندا اس ءىشىپ وتىرىپ، پيانينودا ويناۋعا نەمەسە بارابان تارتۋعا بولادى. ويلى ونەرتاپقىشتار كەلەشەكتە مۇنىمەن عانا شەكتەلمەك ەمەس. شۆەدتىك كومپانيا ءتۇرلى اۋەن ويناۋعا بولاتىن داستارحان ويلاپ تاپتى. وعان سەنسورلى پيانينو مەن بارابان ورناتىلعان. بۇل جاڭاشىلدىق ادەتتە ايتىلاتىن «نان بولسا، ءان دە بولادى» دەگەندى ءىس جۇزىندە قۋاتتاي تۇسكەندەي.
مەتس يوحانسسون، «اقىلدى توقىما» كومپانياسىنىڭ قىزمەتكەرى - پيانينو مەن باراباندار توق وتكىزەتىن ماتادان جاسالىپ، داستارحاننىڭ استارىنا قوسا تىگىلدى. نەگىزى بۇل تەحنولوگيا توقىما ونەركاسىبىندە بۇرىننان قولدانىلىپ كەلەدى.
ونەرتاپقىشتار داستارحانعا بەكىتىلگەن پيانينو مەن باراباننىڭ ءالى تولىق جەتىلمەگەنىن ايتادى. ءبىراق ولار زاماناۋي توقىما جابدىعىنىڭ كەلەشەكتە ءار شاڭىراقتا بولاتىنىنا سەنىمدى.
لي گۋو، «اقىلدى توقىما» كومپانياسىنىڭ قىزمەتكەرى: - ادامعا ەڭ كەرەك نارسە - كيىم- كەشەك. ءبىز ونسىز ءومىر سۇرە المايمىز. كيىمدى ءارتۇرلى ادىسپەن تۇتىنىپ، ءتىپتى وعان سەنسورلار مەن قۇرىلعى- تەتىكتەر ورناتۋعا بولادى. الداعى ۋاقىتتا جاڭا تەحنولوگيامەن تىگىلگەن جەيدەلەر شىعىپ جاتسا، تاڭقالماڭىز.
ونەرتاپقىشتاردىڭ ايتۋىنشا، كيىمگە جۇرەك قاعىسى مەن دەنە تەمپەراتۋراسىن ولشەيتىن قۇرال بەكىتۋگە بولادى. سوعان قاراعاندا ۇيىڭىزدە جەكە دارىگەر پايدا بولاتىن ۋاقىت الىس ەمەس سياقتى.