بۇعان دەيىن بۇكىل الەمدى دۇرلىكتىرگەن «زيكا بەزگەگىنىڭ كەسىرىنەن بۇل شارا وتكىزىلمەۋى مۇمكىن» دەگەن دە بولجامدار ايتىلىپ ەدى. ال بۇل جولى وليمپيادا نىساندارىنا جاقىن تۇراتىن حالىق ۇيلەرىنەن كەتپەيمىز دەپ ەرەۋىلگە شىقتى.
بۇلار - ريو-دە-جانەيروداعى وليمپيادا اۋىلىنا جاقىن ورنالاسقان ۆيللا-اۋتودرومو اۋدانىنىڭ تۇرعىندارى. بيلىك ولار قونىستانعان لاشىقتاردى بۇزىپ، باسقا جەردەن ءۇي ساتىپ الۋعا قاراجات بەرگەن. بۇعان دەيىن مۇندا 700 وتباسى تۇرعان ەدى. قازىر سولاردىڭ دان استامى باسپاناسىنان كەتۋگە كەلىسكەن. ال قالعاندارى لاشىعىنان ايىرىلعىسى جوق.
ەرەۋىلشىلەردىڭ ايتۋىنشا، بۇعان دەيىن ريو-دە-جانەيرو مەرى «كوشۋگە قارسى 50 وتباسىنىڭ باسپاناسى بۇزىلمايدى» دەپ ۋادە بەرگەنگە ۇقسايدى. الايدا ۇيلەرى بىرتىندەپ ۇيىندىگە اينالىپ جاتقانىن كورگەن تۇرعىندار ەدۋاردو پاەستىڭ سوزىندە تۇرماعانىن ايتىپ، اشىنىپ وتىر.
جالپى، 2016-جىلعى جازعى وليمپيادا ويىندارىنا قاتىستى جانجال اۋەلدەن-اق باسىلماي كەلەدى. وتكەن جىلى دۇنيەجۇزىلىك دەنساۋلىق ساقتاۋ ۇيىمى جەلكەندى قايىق جارىسى وتەتىن گۋانابارا شىعاناعى سۋىنىڭ لاس بولۋىنا قاتىستى الاڭداۋشىلىق بىلدىرگەن. ونىڭ ۇستىنە زيكا بەزگەگى تاعى بار. سوڭعى ۋاقىتتا بىرنەشە ەلدىڭ سپورتشىلارى ءدۇبىرلى دوداعا قاتىسۋدان باس تارتۋى مۇمكىن دەگەن حابار دا تاراعان.