بالالاردى بولاشاققا باۋلىعان - «بالداۋرەن» - فوتو
قاشاندا قارىزدارمىن، ەلىم، ساعان
انامسىڭ الىس جۇرسەم، كوپ اڭساعان
جۇرەكتىڭ ارناپ ىستىق ماحابباتىن،
تۋعان ەل، بەرەرىم كوپ مەنىڭ ساعان...
ءدال وسى ولەڭ جولدارى بالالاردىڭ ۇرانىنا اينالدى. «بالداۋرەن» ر و س و- دا جاڭا جوبا «قازاقستاندىق جاس پاتريوتتار اكادەمياسى» اياسىندا كەشە العاش رەت «ەگەر دە مەن پرەزيدەنت بولسام...» اتتى پاتريوتتىق باعىتتا «بالداۋرەن» پرەزيدەنتىن سايلاۋ كەشى ءوتتى.
كەش جوسپارىنا سايكەس، پرەزيدەنتىككە ۇمىتكەر بالالار وزدەرىنىڭ ورتالىعىندا اتقاراتىن نەمەسە بولاشاقتا ىسكە اسىراتىن نەگىزگى باعدارلامارىن، وي- تۇجىرىمدارىن ورتاعا سالدى. دەمالۋشى بالالار بۇل ءىس- شاراعا قاتىسۋشى ۇمىتكەرلەردىڭ پىكىرىن تىڭداپ، قايسى ۇمىتكەر بالداۋرەن پرەزيدەنتىنە لايىق ەكەنىن تاڭداۋعا، داۋىس بەرۋگە ىشتەي دايىندالىپ وتىردى.
«پرەزيدەنتتىڭ جۇمىسى - ول ءبىزدىڭ جۇمىسىمىز. ال بىرىكتىرۋ، قىزىقتىرۋ، العا ۇمتىلۋ ول پرەزيدەنتىمىزگە بايلانىستى» - دەپ، ءوز ويىن ايتتى قىزىلوردادان كەلگەن ۇمىتكەر ق. نۇرسۇلتان. جالپى ۇمىتكەرلەردىڭ ءارقايسىسى وتە ۇتىمدى ويلار، ۇسىنىستار ايتتى. ولاردىڭ قاتارىندا: سەرىكبايەۆا ارۋجان ب ق و، جۇمابەكوۆا ايدانا ش ق و، قونىسبەكوۆ نۇرسۇلتان، قىزىلوردا وبلىسى، ناگيمەتوۆ التاير، استانا قالاسى، اكىم اينۇر، ماڭعىستاۋ وبلىسى، ناگيبين نيكيتا، ب ق و، راحماتۋللايەۆا تاڭنۇر، استانا قالاسى، تەلەبايەۆ ديدار، الماتى قالاسى، شىڭعىسباي بالنۇر، الماتى قالاسى، جۇمانيازوۆ سيەۆينديك، اقمولا وبلىسى، ساتتار نازىم، استانا قالاسى، بيريمجاروۆ ەلدار، جامبىل وبلىسىنان بارلىق 12 پرەزيدەنتتىككە ۇمىتكەر قاتىستى.
ءار ۇمىتكەر ساحنا تورىندە وزدەرىنىڭ بەلسەندىلىكتەرىن كورسەتۋ ارقىلى، ءار بالانىڭ جۇرەگىنەن ورىن تابا ءبىلدى. ۇمىتكەرلەرگە سايلاۋ ۇيىمداستىرىلدى، ءار دەمالۋشى بالا پرەزيدەنتكە داۋىس بەردى. ورتالىعىمىزدىڭ ۇلكەن جەتىستىگى بولىپ، بالالارىمىزدىڭ ءوز تاڭداۋىمەن سەرىكبايەۆا ارۋجان بقو- دان كەلگەن قىزىمىز العا سۋىرىلىپ وزا شىقتى.
كەش قورىتىندىسىندا «قازاقستاندىق جاس پاتريوتتار اكادەمياسى» جوباسى بويىنشا اكادەميا ءتورايىمى ت. بيتۋوۆا ءسوز سويلەدى.
«بالالار بۇگىنگى «ەگەر دە مەن پرەزيدەنت بولسام...» ءىس- شاراسىنا قاتىسىپ، وزدەرىندەگى پاتريوتتىق سەزىم، كوشباسشىلىق قابىلەتتى وياتا ءبىلدى. وسكەلەڭ ۇرپاققا ماڭىزى زور تاربيەلى دۇنيە الدى دەپ سەنەمىز» - دەدى ت. بيتۋوۆا.