ميدحات رازدان ۇلى 1932 -جىلى التايدىڭ بۋىرشىن اۋدانى، دۋلايتى اۋىلىنداعى ءدىندار، زيالى وتباسىندا دۇنيەگە كەلگەن. اكەسى رازدان يمام ءوز زامانىندا التاي كەرەيى ىشىندەگى العاشقى قاجى اتانعان ادامداردىڭ ءبىرى. سونىمەن قاتار ەلىن ونەر- بىلىمگە باستاعان، وقۋ- اعارتۋ سالاسىنا ۇيتقى بولعان قايراتكەر تۇلعا.
ميدحات 1950 -جىلى ىلەدەگى « ءبىلىم جۇرتى» اتانعان وقۋ ورنىن ۇزدىك بىتىرگەن سوڭ تۋعان جەرىنە ورالىپ، التاي تاريحىنداعى تۇڭعىش ورتا مەكتەپ «التاي ايماقتىق 1- ورتا مەكتەپتىڭ» ىرگەتاسىن قالاپ، شاڭىراعىن كوتەرۋگە اتسالىسادى. ءارى سوندا جارتى عاسىرعا جۋىق ۇستازدىق ەتىپ، الدىنان قازاقتىڭ مىڭداعان جاس ۇلانىن تاربيەلەپ شىعاردى. قازىر ارداقتى ۇستاز ءبىلىم بەرگەن تالاي ازامات قازاق ۇلتىنىڭ وركەندەۋى ءۇشىن ەسەلى قىزمەت ەتىپ ءجۇر.
ميدحات رازدان ۇلى ابىز اعارتۋشى عانا ەمەس، قارىمدى قالامگەر، تالانتتى مۋزىكانت، زەردەلى زەرتتەرمەن. (مىحاڭنىڭ اعاسى ماعاز رازدان ۇلى قىتاي قازاقتارىنا تانىمال كلاسسيك جازۋشى ەكەنىن ەسكە سالا كەتەيىك) . قارت اعارتۋشى ۇزاق جىلدىق ۇستازدىق تاجىريبەسىنەن «بارىمىز بالالارعا ارنالادى» اتتى عىلىمي ەڭبەگىن جازسا، «وتىز جىل تۋدىرعان ويلار» اتتى كىتابىن باسپادان شىعارىپ، كوپ جىلدىق تاجىريبەسى مەن ۇسىنىس- ويلارىن جۇرتپەن بولىسەدى. ال، 2002 - جىلى «شىڭجاڭ حالىق باسپاسىنان» شىققان «بەلەستەر بەلگىسى» تۋىندىسىنىڭ ءجونى بولەك. اۆتور وندا 2000 - جىلى امەريكا قۇراما شتاتتارىنا بارعان ساپارىندا كوڭىلگە تۇيگەن قىزىقتى جايلار تۋرالى ەسسە جانە اباي، شاكەرىم، مۇحتار سىندى قازاقتىڭ ءبىرتۋار تۇلعالارىنىڭ 150, 100 جىلدىق مەرەيتويلارىنا ارنالعان زەرتتەۋ ماقالالارىن جاريالاعان. بۇدان سىرت «شاكەرىمنىڭ ءور التايدا ءىزى بار»، «شاكەرىمنىڭ قيىردا جۇرگەن اندەرى» ، «ءبىر سۇراققا جاۋاپ» اتتى زەرتتەۋ ماقالالارى باسپا سوزدە جاريالانىپ، ەلدىڭ جاقسى اڭىسىن قوزعاعان.
سونىمەن قاتار، ميحاڭ تانىمال مۋزىكانت. ول كىسى ۇلتتىق اسپاپتاردا قازاقتىڭ نەبىر كۇمبىرلى كۇيلەرى، اۋەزدى اۋەندەرىن ورىنداۋمەن بىرگە، تاتار، ورىس ت. ب ۇلتتاردىڭ بايىرعى ءان- كۇيلەرىن دومبىرا، ماندالين، گيتارادا شەبەر اۋەلەتكەنتالانت يەسى.
قارت اعارتۋشى 2015 -جىلى اتاجۇرتقا ورالىپ، استاناعا قونىس تەپكەن. بىلتىرعى جىلى جازدا جۇبايى دا ومىردەن وتكەن ەدى. ەندى مىنە، ۇلكەن جۇرەكتى اقساقال، ۇلاعاتتى ۇستاز، ابىز اتامىز دا ءپاني دۇنيەگە قوش ايتىپ، ماڭگىلىك مەكەنىنە اتتانىپ كەتتى. مارقۇمنىڭ تۋعان- تۋىستارىنا كوڭىل ايتا وتىرىپ، ول كىسىنىڭ جانازاسى جۇما، 26- اقپان كۇنى استانا قالاسى، عابيت مۇسىرەپوۆ كوشەسى 9 - ءۇي مەكەن- جايىنداعى ءوز ۇيىندە وتەتىنىن قاپەرگە سالامىز.
مۇرات الماسبەك ۇلى
baq.kz