ازەربايجان قازاقستان ءۇشىن كۇزەت كەمەلەرىن جاسايدى

باكۋ. قازاقپارات - باكۋدە ازەربايجان پرەمەر- ءمينيسترىنىڭ قازاقستاننىڭ ۇلتتىق قاۋىپسىزدىك كوميتەتى ءتوراعاسىنىڭ ورىنباسارى، شەكارا قىزمەتىنىڭ ديرەكتورى، پولكوۆنيك دارحان دىلمانوۆپەن كەزدەسۋى بولدى.

كەزدەسۋدە مەملەكەتتىك شەكارانى كۇزەتۋ سالاسىنداعى ەكىجاقتى ىنتىماقتاستىقتى نىعايتۋ، جاسىرىن كوشى- قونعا جانە كاسپي تەڭىزى ارقىلى كونترابانداعا قارسى تۇرۋ ماسەلەلەرى تالقىلاندى.

اتاپ ايتقاندا، ازەربايجان مەن قازاقستان اراسىنداعى، سونىڭ ىشىندە شەكارانى قورعاۋ جۇيەسىندە بايلانىستاردى نىعايتۋ، بۇل قىزمەتتەر سالاسىندا ۇنەمى تاجىريبە الماسۋ ەكى ەلدىڭ مۇددەلەرىنە ساي كەلەتىنى جانە كاسپييدەگى شەكارا قاۋىپسىزدىگى ماسەلەلەرىندە ءتيىمدى بولاتىنى اتاپ ءوتىلدى. الداعى ىنتىماقتاستىقتىڭ ماڭىزدى باعىتتارى - ازەربايجاندا قازاقستاننىڭ شەكارا قىزمەتى ءۇشىن كۇزەت كەمەلەرىن جانە كاتەرلەر قۇرىلىسى، ۇشاقتار مەن كەمەلەردى جوندەۋ، ماماندار دايارلاۋ، ەۋروپا مەن ازيا اراسىنداعى ماڭىزدى كوپىر ءرولىن اتقاراتىن باكۋ حالىقارالىق تەڭىز ساۋدا پورتى ارقىلى ترانزيتتىك تاسىمالداردى دەر كەزىندە جانە ساپالى جۇرگىزۋ ءۇشىن قولايلى جاعداي تۋعىزۋ بولماق.

 «باكۋ كەمە جاساۋ زاۋىتى» - ازەربايجاندىق SOCAR مەملەكەتتىك كومپانياسىنىڭ (%  65 قاتىسۋ)، ازەربايجان ينۆەستيتسيالىق كومپانياسىنىڭ (25 پايىزىنا) جانە   Keppel Offshore & Marine  ( ون پايىزىنا) بىرىككەن كاسىپورنى، ول 2013 - جىلى كۇزدە اشىلعان. Keppel زاۋىتتىڭ % 10  اكسياسىن يەلەنگەن جانە باسقارۋعا جانە پايدالانۋعا جاۋاپ بەرەدى.