نيۋ-يوركتە تۇراتىن ۇلتى قازاق ساقشى ءوز ءومىرى جايلى ايتىپ بەردى - فوتو
ول برۋكليندەگى مەترونىڭ ماڭىندا كوشە بويىندا ءبىر ايەلدى بوساندىرىپ الۋعا كومەكتەسكەننەن كەيىن تانىمال بولعان ەدى. ول Esquire.kz باسىلىمىنداعى «قازاقستاندىقتار امەريكادا» جوباسىنىڭ اياسىندا قازاقستاندىق رەجيسسەر قانات بەيسەكەيەۆتىڭ قىسقا دەرەكتى فيلمىنىڭ كەيىپكەرى بولدى.
«ا ق ش- قا ساپارىمىزدىڭ بارىسىندا دانيارمەن كەزدەسۋدى ءجون كوردىك، ول بىزگە ا ق ش- قا قالاي كەلگەنىن جانە نيۋ-يورك پوليتسيا دەپارتامەنتىنىڭ پوليتسيا وفيتسەرى بولۋ دەگەن ارمانىنا جەتۋ ءۇشىن قانداي قيىن جولدى ءجۇرىپ وتۋگە تۋرا كەلگەنىن ايتىپ بەردى»، - دەلىنگەن فيلمنىڭ العى سوزىندە.
«كۇن سايىن جۇمىسقا باراسىڭ، ءبىراق قانداي پوستتا تۇراتىنىڭ، قانداي ادامداردى كەزدەستىرەتىنىڭ بەلگىسىز. قايىرىمدى ادامدارمەن دە كەزدەسەسىڭ، كەيدە كۇش قولدانۋعا تۋرا كەلەتىن ادامدارعا دا كەز بولاسىڭ. جۇمىسىم سونداي - باقىلاۋ»، - دەيدى دانيار نۇرتازا.
«مۇندا مەن الىپ بارا جاتقان زۇلىمدىقتى كورمەدىم. ۇناتپايتىندارىن كورسەتۋى مۇمكىن. ءبىراق وزدەرىنىڭ قاۋىپسىزدىگىن ويلاپ تۇرعانىمدى نەگىزىندە تۇسىنەدى»، - دەيدى فيلم كەيىپكەرى.
«امەريكا - مۇمكىندىكتەر ەلى. بارلىعىنا جاڭا مۇمكىندىك بەرەدى. وسىندا كەلۋگە بەل بۋدىق. ءومىر ءبىز ويلاعاننان دا قيىن بولىپ شىقتى. ەشكىم مۇندا سەنى كۇتپەيدى»، - دەيدى دانيار.
ونىڭ ايتۋىنشا، امەريكادا پوليتسەيلەر جۇمىستى وزگەشە ىستەيدى. «قازاقستاننان ايىرماشىلىعى جەر مەن كوكتەي. پوليتسەيلەرگە دەگەن قاتىناس باسقا. بۇل جاعداي 11 قىركۇيەك وقيعاسىنان كەيىن ەدى. ولار مۇندا قاھارماندار سياقتى ءجۇردى»، - دەيدى ول.
«پوليتسەي بولۋ - ابىروي. ولار بۇل جۇمىستى تاڭداي وتىرىپ، قاتەرگە باسىن سانالى تۇردە تىگەدى. ءار كۇنى پاترۋلگە شىعۋ الدىندا كۇنىڭنىڭ قالاي وتەتىنىنە سەنىم بولمايدى»، - دەپ قورىتىندىلادى دانيار.