ەسكە سالا كەتەيىك، بۇگىن الماتى قالاسى بويىنشا سىبايلاس جەمقورلىققا قارسى ءىس- قيمىل بيۋروسى اقپاراتتاندىرۋ جونىندەگى كوميتەت پەن «قازاق تەلەكوم» ا ق- نا مەملەكەتتىك ساياساتتى دامىتۋ مەن باسپا باسىلىمدارىنا ماتەريالدار جاريالاۋعا بولىنگەن 300 ميلليون تەڭگەدەن اسا قاراجاتتىڭ جىمقىرىلعانىن انىقتادى.
اتالعان ۆەدومستۆولار وسى ماقساتتا «قازتاگ ح ا ءا» ج ش س جانە «ۇلتتىق باسپا ءسوز كلۋبى» قوعامدىق بىرلەستىگىمەن كەلىسىمدەر بەكىتكەن.
سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ الماتى قالاسى بويىنشا دەپارتامەنتىنىڭ حابارلاماسىندا اتالىپ وتىلگەندەي، اقپاراتتاندىرۋ كوميتەتى اۋدارعان 80 ميلليون تەڭگە كولەمىندەگى جانە «قازاقتەلەكوم» اۋدارعان 260 ميلليون تەڭگە كولەمىندەگى قارجىنى ۇلتتىق باسپا ءسوز كلۋبىنىڭ باسشىسى سەيىتقازى ماتايەۆ قولما- قول اقشاعا اينالدىردى. سونىمەن قاتار، تەرگەۋ انىقتاعانداي، زاڭسىز كاسىپكەرلىكپەن اينالىسقان ماتايەۆ 1,4 ميلليارد تەڭگە سوماسىنداعى قاراجاتتى قالتاسىنا باستى، 327 ميلليون تەڭگە كولەمىندەگى سالىق تولەمەدى.