اتىراۋ وبلىسىندا بودەنە جۇمىرتقالارى نارىققا شىعارىلا باستادى

استانا. قازاقپارات-  اتىراۋ وبلىسىنىڭ ساۋدا ورتالىقتارىندا بودەنە جۇمىرتقالارى العاش رەت ساۋداعا شىعارىلا باستادى. جۇمىرتقا جەرگىلىكتى قۇس فەرماسىنىڭ ءونىمى. بودەنە فەرماسى يندۋستريالدىق كارتا اياسىندا اشىلىپ وتىر. ديەتالىق ونىمگە سۇرانىس جوعارى بولعاندىقتان فەرما بولاشاقتا فەرما ەتىن ءوندىرىپ كورمەك.

 بودەنە ەتى مەن جۇمىرتقاسىن ءوندىرۋ فەرماسى العاشقى قادامدارىن 1,5 مىڭ باس قۇستان باستادى. ەكى ايدىڭ ىشىندە فەرماداعى ەرەسەك قۇس باسى 2,5 مىڭ داناعا جەتكەن. ال مامىر ايىنا دەيىن شاۋاراشىلىقتاعى انالىق قۇسباسىن 10 مىڭعا دەيىن ارتتىرۋ جوسپارلانىپ وتىر.

عالىمجان قالىموۆ، بودەنە فەرماسىنىڭ تەحنولوگى:

 - سەحىمىز جۇمىرتقا شىققاسىن جارتىسىن ساۋداعا شىعارادى. ال جارتىسىن ينكۋباتورعا سالىپ، جۇمىرتقادان بالاپان الامىز. ەڭ ۇزاق دەگەندە 17-18 كۇندە جۇمىرتقا بەرەدى. قازىر جەرگىلىكتى فەرمادا بودەنەنىڭ ءۇش ءتۇرى باعىلۋدا. ۋاقىت وتە كەلە جەرگىلىكتى اۋا رايىنا ءتوزىمدى ءارى ەڭ ءونىمدى تۇقىم ءتۇرى نەگىزگە ءوندىرىس ءۇشىن تاڭدالىنىپ الىنادى. بولاشاقتا بالاپاندار دا فەرمانىڭ جەكە ينكۋباتورىندا وسىرىلەتىن بولادى.

قاسىمحان جاۋىمبايەۆ، بودەنە فەرماسىنىڭ ديرەكتورى:

- جۇمىرتقانىڭ نەگىزىنەن اسقازانعا، قان قىسىمىنا، ودان كەيىن بالانىڭ دامۋىنا پايدالى. ەتى دە وتە پايدالى ديەتالىق، سورپاسىن ىشسەڭىز، ادامنىڭ يممۋنيتەتىن كوتەرەدى. بۇگىنگى تاڭدا جابايى تابيعاتتىڭ وزىندە تۇقىمى سيرەپ كەتكەن قۇستىڭ ەتى مەن جۇمىرتقاسى وتە قۇنارلى ازىق- تۇلىك قاتارىندا تۇر. از عانا ۋاقىت ارالىعىندا شارۋاشىلىعىن جولعا قويىپ ۇلگەرگەن فەرما جۇمىرتقا عانا ەمەس، بودەنە ەتىن دە جەرگىلىكتى دۇكەن سورەلەرىنە شىعارامىز دەپ وتىر. ونىڭ ۇستىنە ازىقتىق   قۇرامى اسا قۇنارلى تاعام الدىمەن مەكتەپگە دەيىنگى مەكەمەلەر مەن ورتا ءبىلىم وردالارىنىڭ اسحاناسىنا ۇسىنىلماق.

www.24.kz