GOBankingRates حالىقارالىق اگەنتتىگى ءومىر ءسۇرۋ ءۇشىن ەڭ ارزان ەلدەردىڭ ءتىزىمىن قۇراستىردى. كۇتپەگەن جەردەن ءبىزدىڭ ەلىمىزگە بۇل رەيتينگتەگى 5- ورىن بۇيىردى.
«بەسىنشى ورىن. 17,8 ميللين ادام تۇراتىن قازاقستان. رەسەي جانە قىتايمەن شەكارالاس. مۇناي، كومىر، تەمىر كەنى سياقتى ەلدىڭ تابيعي رەسۋرستارىنىڭ ارقاسىندا ەكونوميكاسى دامىپ كەلەدى. ازىق- تۇلىك جانە تۇتىنۋشىلىق تاۋارلاردىڭ قۇنى رەيتينگتەگى وزگە ەلدەردىڭ كوپشىلىگىمەن سالىستىرعاندا تومەندەۋ»، - دەلىنگەن ماتەريالدا.
ءتورتىنشى ورىن. ساۋد ارابياسى. ءۇشىنشى ورىن - كوسوۆو. ەكىنشى ورىن - ءۇندىستان. رەيتينگتىڭ كوش باسىندا وڭتۇستىك افريكا رەسپۋبليكاسى تۇر. جۇمىس ىستەيتىن جانە زەينەتكە شىققاندار ءۇشىن ەڭ ارزان ەل. ەڭ سوڭعى، 50- ورىندى اگەنتتىك بەلورۋسسياعا بەردى. ۋكراينا 24-ورىندا بولسا، رەسەي 39-ورىندا.