جىجياڭ پروۆينتسياسىنىڭ 38 جاستاعى تۇرعىنى فيدجي جانە سامو ارالدارىنان ورالعان. ونىڭ سوزىنشە، تۋريستىك ساپار كەزىندە بىرنەشە رەت ماسا شاعىپ الىپتى. ەلىنە ورالاردا قىزۋى كۇرت كوتەرىلگەن. قازىر وسىعان بايلانىستى قىتاي حالىقارالىق اۋەجايدا سانيتارلىق باقىلاۋدى كۇشەيتىپ، ارنايى قۇرىلعى ورناتتى.
قىتايدىڭ گۋاڭجوۋ قالاسىنداعى حالىقارالىق اۋەجاي شۇعىل ارەكەتتەرگە كوشتى. ءسويتىپ، ەلگە ورالعان جولاۋشىلاردىڭ زيكا بەزگەگىن جۇقتىرعانىن انىقتايتىن قۇرىلعى ورناتتى. ۇشىپ كەلگەن ادامداردىڭ قىزۋىن باقىلاۋ بەكەتىندە ارنايى اپپارات ولشەپ تۇرادى.
وسىنداي شارالاردىڭ ارقاسىندا قىتايدا ەكىنشى رەت زيكا ۆيرۋسىن جۇقتىرعان ازامات دەر كەزىندە انىقتالعان. قاۋىپتى دەرت العاشىندا ۆەنەسۋەلاعا بارىپ قايتقان ەر ادامنان تابىلعان ەدى. قازىر ونىڭ بەتى بەرى قاراپ، جازىلىپ كەلەدى.