ءوزىنىڭ گەوگرافيالىق ورنالاسۋىنا بايلانىستى بۇل ابىرويلى مىندەت اقتاۋ اۆياتسيالىق بازاسىنا بۇيىردى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
تەڭىز ۇستىندە ۇشۋ كۇردەلى بولىپ سانالادى. كادىمگى دايىندىقتان باسقا ۇشۋ اۋدانىن زەردەلەۋ، اۋا رايى جاعدايىن، شتۋرماندىق ۇشۋ ەسەپتوبىن تالداۋدى ۇشقىشتار قوسىمشا ىزدەستىرۋ- قۇتقارۋ كورابلدەرى مەن اۋە كەمەلەرىنىڭ ورنالاسۋىن، ولارمەن ءوزارا ارەكەت جاساۋ ءتارتىبىن، جاعالىق جارىق جانە راديوماياكتاردىڭ جۇمىس جاساۋ رەجىمدەرىن زەردەلەۋى ءتيىس.
ودان باسقا، اسكەري قىزمەتشىلەر اۋە ناۆيگاتسياسىنىڭ راديوتەحنيكالىق قۇرالدارىنىڭ بۇتىندىگىن، جەكە قۇتقارۋ قۇرالدارىنىڭ بولۋىن تەكسەرۋى ءتيىس ەدى.
ۇشۋلار باعدارسىز جەردە وتۋىنە ءارى كوكجيەكتىڭ تەڭىزبەن سارقىلۋىنا بايلانىستى ۇشقىشقا تۇسەتىن پسيحولوگيالىق جۇكتەمە اناعۇرلىم كۇشەيەدى. بۇل قوسىمشا مورالدىق- پسيحولوگيالىق دايىندىقتى قاجەت ەتەدى.
«تەڭىز ۇستىندە ۇشۋعا كىرىسە وتىرىپ، ءبىز ەكيپاجدارىمىزدىڭ ۇشۋ تۇرعىسىنداعى جاتتىقتىرىلۋ دەڭگەيىن ارتتىرامىز. ناتيجەسىندە بۇل جالپى العاندا، اسكەري- اۋە كۇشتەرىنىڭ جاۋىنگەرلىك ازىرلىك دەڭگەيىن ارتتىرادى، ال بۇل دەگەنىمىز ءبىرىنشى كەزەكتەگى مىندەت»، - دەپ ق ر ق ك ءا ق ك ءا ءا ك- ءنىڭ قولباسشىسى اۆياتسيا گەنەرال- مايورى داۋرەن قوسانوۆ اتاپ ءوتتى.
اشىق تەڭىز (بەيتاراپ سۋلار) - بۇل قانداي دا ءبىر مەملەكەتتىڭ اۋماقتىق، ارحيپەلاگتى جانە ىشكى سۋلارىنان تىسقارى ورنالاسقان جانە حالىقارالىق قۇقىق قاعيداتتارى مەن نورمالارىنا سايكەس ەركىن جانە تەڭ قۇقىقتىق پايدالانۋدا تۇرعان تەڭىز كەڭىستىگى ەكەنىن ايتا كەتەيىك.