بۇل تۋرالى Lenta.ru حابارلادى.
سودىرلار انكاراعا جاسالعان شابۋىل تۇرىك پرەزيدەنتى رەدجەپ تايىپ ەردوعاننىڭ ساياساتىنا جاۋاپ ەكەنىن مالىمدەدى. «سۇڭقارلار» ەل اۋماعىنا لاڭكەستىك اكتىلەردى جالعاستىرا بەرەتىنىن ايتتى.
بۇدان بۇرىن 19 - اقپاندا ەردوعان استاناداعى جارىلىستى ۇيىمداستىرۋشىلاردى ۇستاۋ تۋرالى حابارلاعان. 18 - اقپاندا تۇركيادا اسكەري كولىك جارىلدى، وعان جاۋاپكەرشىلىكتى ك ە س موينىنا الدى. 17 - اقپاندا انكارادا لاڭكەستىك ورىن الىپ، 28 ادام قازا تاۋىپ، 61 ادام زارداپ شەككەن. جارىلىس استانانىڭ اكىمشىلىك ورتالىعىندا باس شتاب پەن پارلامەنت عيماراتىنا جاقىن جەردە ورىن الدى.
مينا قويىلعان كولىك اسكەري قىزمەتشىلەر تاسىمالداعان اۆتوكولوننا جاقىنداعان ساتتە بولدى. قازا تاپقاندار مەن زارداپ شەككەندەردىڭ باسىم بولىگى تۇركيا قارۋلى كۇشتەرىنىڭ وكىلدەرى.
2015 -جىلعى 23 - جەلتوقساندا ك ە س سودىرلارى ىستامبۇلدىق سابيحي گەكچەن اۋەجايىندا اتىس ۇيىمداستىرعان. وندا جارىلىس سالدارىنان ءبىر ايەل كوز جۇمعان.
«كۇردىستان ەركىندىك سۇڭقارلارى» تۇرىك بيلىگى تەررورلىق ۇيىم دەپ تانىعان كۇردىستان جۇمىس پارتياسىنىڭ (ك ج پ) فيليالى بولىپ تابىلادى، الايدا كەيىننەن ولار بەيبىت دەپ سانالىپ ك ج پ- دان ءبولىنىپ شىقتى. ولار كوبىنەسە لاڭكەستىك اكتىنى انكارادا، ىستامبۇلدا، وڭتۇستىك كۋرورتتى قالالاردا جاسايدى. ولار يراك، سيريا جانە تۇركيا جەرلەرىنىڭ بولىگىنە تاۋەلسىز كۇرد مەملەكەتىن قۇرۋ ءۇشىن ايقاسۋدا.