2016-جىلدىڭ بيۋدجەتى ءۇش تريلليون رۋبلدەن استام قارجىنى (شامامەن 40 ميلليارد دوللار) نەمەسە جالپى ىشكى ءونىم كولەمىنىڭ ءتورت پايىزىن قۇرايتىندىقتان شىعىن 160 ميلليارد رۋبلگە قىسقارماق.
دەرەككوزىنىڭ مالىمەتىنشە، ازايتىلاتىن سومانىڭ 150 ميللياردى مەملەكەتتىك قورعانىس تاپسىرىسىنا تيەسىلى. بۇعان قوسا فلوت پەن اۆياتسياعا ارنالعان قارۋ-جاراققا بولىنەتىن شىعىن دا ازايماق. قۇرلىقتاعى اسكەردى قارۋلاندىرۋ شىعىنى دا ازداپ ازايتىلماق. دەرەككوزى جەكە قۇرامداعى اسكەر مەن سيرياداعى وپەراتسياعا بولىنەتىن قارجى مۇلدەم ازايتىلمايدى دەيدى.
رەسەيدە داعدارىس باستالعالى قورعانىسقا بولىنەتىن قارجى ءبىرىنشى رەت قىسقارتىلىپ وتىرعان جوق. 2015-جىلى رەسەيدىڭ قورعانىس شىعىنى 3,8 پايىزعا ازايتىلعان.