مەكتەپ وقۋشىلارى قازاق باتىرىنىڭ كىرەۋكە ساۋىتىن توقىپ شىقتى

كىرەۋكە ەرتە زاماندا سوعىسقا كيەتىن، وق وتپەيتىن ساۋىت بولعانى بەلگىلى.  

جۋرناليست بولات ەسقاليەۆتىڭ حابارلاعانىنداي، بالالار مەن ولاردىڭ جەتەكشىسى ساۋىتقا 13 كيلوگرام سىم جۇمسادى،  11 مىڭ ساقينا تور جاسادى.  اتالعان مۇراجايداعى بۇل شىعىرشىقتى كىرەۋكەنى تاماشالاۋشىلار وزگە جەرلەردەن دە كەلۋدە.

ايتا كەتەيىك، ج. ابىلپەيىسوۆ قازاق باتىرىنىڭ بەس قارۋىن تۇگەل جيناۋدى ماقسات ەتكەن ەدى. بۇعان دەيىن ارنايى تاپسىرىسپەن ساداق، ايبالتا، دۋلىعا مەن ساۋىتتى جاساتىپ السا، ەندى بۇلاردىڭ قاتارى كىرەۋكەمەن تولىعىپ وتىر. وعان قوسا مەكتەپتەگى ولكەتانۋ ۇيىرمەسى مەن «جەرۇيىق» مۇراجايىنىڭ كۇشىمەن ولكەدە ارىدە وتكەن بي، باتىرلار، حالىق ەمشىلەرى، اۋىلدار شەجىرەسى جايىندا مول دەرەك- دايەكتەر، كونە جادىگەرلەر جيناقتالۋدا.

  اتامەكەندىك ۇل- قىزدار ج. ابىلپەيىسوۆتىڭ باستاۋىمەن بىلتىر ارۋاقتى بي، باھادۇرلەر جاتقان كەنجەعارا قورىمىنداعى 81 قۇلپىتاستى كارتاعا، 61 قۇلپىتاستى فوتوسۋرەتكە ءتۇسىردى. بۇلاردىڭ اراسىنان بەلگىلى جۋرناليست- ولكەتانۋشى، «DANAkaz»  جۋرنالىنىڭ باس رەداكتورى، توتە جازۋدى وقيتىن قازبەك قۇتتىمۇرات ۇلى تاريحي ەكى تۇلعانىڭ قۇلپىتاسىن انىقتادى. ونىڭ بىرەۋى - پاتشا زامانىندا سونالى بولىسىن 30 جىل باسقارعان، 1888 - جىلى قازىرگى بازارشولان اۋىلىنان تۇڭعىش مەكتەپ اشقان،  بولىس مۇحامەدجان سارعوجيننىڭ اكەسى - سارعوجا ءبيدىڭ قۇلپىتاسى. ەكىنشىسى -  بەلگىلى جازۋشى بەرقايىر ءامانشيننىڭ ارعى اتاسى سارتاي ءبيدىڭ قۇلپىتاسى.

 اۆتور:   ەلجان ەرالى