ەلدىڭ كيليس قالاسىنىڭ تۇسىنداعى سيريامەن شەكتەسەتىن جەرگە تۇركيا قارۋلى كۇشتەرىنىڭ 15 مىڭ جاۋىنگەرى مەن تانكتەرى، اۋىر ارتيللەريا، بروندى تەحنيكا توپتاستىرىلعان.
ۇرىس تەحنيكاسىنىڭ كوبى سيريانىڭ ازەز ەلدىمەكەنىنە باعىتتالىپ تۇر. ونىڭ ۇستىنە تۇرىك ارتيللەرياسى سوڭعى بىرنەشە كۇن بويى سيرياداعى كۇردتەردىڭ دەموكراتيالىق بىرلىك پارتياسىنىڭ قارۋلى قاناتى سانالاتىن YPG اتالاتىن توپتاردى اتقىلاپ جاتىر. سەبەبى، ولار تۇركيانىڭ سيريالىق تۇركىمەندەرمەن بايلانىس جاسايتىن جولداردى باسىپ الۋعا ۇمتىلىپ جاتىر.
كەشە تۇركيا پرەمەر- ءمينيسترى احمەت داۋىتوعلۋ YPG توبىن جالدامالى اسكەر رەتىندە باعالاعان بولاتىن. ول بۇل جاساقشىلاردى رەسەيدىڭ «جالدامالى اسكەرى» دەپ اتادى. ال، سيريانىڭ ب ۇ ۇ داعى تۇراقتى وكىلى باشار دجافەري رەسمي داماسكىنىڭ YPG توبىن قولدايتىنىن مالىمدەدى.
ال، تۇركيا بيلىگى شەكاراعا جاقىن ايماقتارعا اۋىر ۇرىس تەحنيكاسى مەن جاۋىنگەرلەردى توپتاستىرۋ سيريادان كەلۋى مۇمكىن بوسقىنداردىڭ جاڭا لەگىن تەجەۋ ءۇشىن ءارى سيريانىڭ تۇركيامەن شەكاراسنىدا «ۇشاقتاردىڭ ۇشۋىنا تىيىم سالىعان ايماق» قۇرۋ ماقساتىندا دا قولدانىلۋى مۇمكىن. دەگەنمەن، تۇركيا، ساۋدا ارابياسى مەن كاتاردىڭ سيرياعا اسكەر كىرگىزۋى مۇمكىن ەكەندىگى ءجيى ايتىلىپ جاتىر.
Kaznews.kaztrk.kz