قاۋىپتىڭ قانشالىقتى كۇردەلى ەكەنى ازىرگە بەلگىسىز. كەيبىر ساراپشىلار ونىڭ اپاتقا اكەلىپ سوقتىراتىنىن شامالاپ تا وتىر. ال ءبىر بولىگى قاۋىپتىڭ جولىن كەسۋگە بولاتىنىنا سەنىمدى.
Google ساراپشىلارى ءوز بلوگىندا بۇل پروبلەمانى بىلايشا سۋرەتتەدى. ارام ويلىلار بارلىق جەردە ىسكە قوسىلىپ وتىرعان كومپيۋتەرلىك كودتىڭ كومەگىمەن پايدالانۋشىلاردىڭ قۇرىلعىلارىنا باقىلاۋ جاساي الادى. پروبلەمانى glibc-تە انىقتاعان، بۇل عالامتورعا قوسىلاتىن قۇرىلعىلاردا پايدالانىلاتىن ءتۇرلى كودتاردىڭ بازاسى.
بۇل كود بولسا، باعدارلامالاۋدىڭ كوپتەگەن تىلدەرىنىڭ، مىسالى PHP نەمەسە Python نەگىزىندە جاتىر. بۇل ءبىرقاتار سايتتار مەن سەرۆيستەرگە الەۋەتتى قاۋىپ ءتوندىرىپ وتىر - حاكەرلەر الەمدىك ۆيرتۋالدىق جۇيەلەردىڭ ايتارلىقتاي بولىگىن بۇزىپ نەمەسە ولارعا باقىلاۋ جاساي الادى.
Google- ءدىڭ ينجەنەرلەرى Red Hat-تاعى قاۋىپسىزدىك ماماندارىمەن بىرلەسىپ پروبلەمانى شەشە الاتىن باعدارلامالىق قامتۋدى ازىرلەپ شىعاردى.
پروبلەما، بۇل كودتى قانشا جۇيە مەن قۇرىلعىنىڭ پايدالانىپ وتىرعانى، ياعني قانشاسىنا قاۋىپ ءتونىپ تۇرعانى بەلگىسىز بولۋىندا. بۇل كىتاپحانانى پايدالانبايتىن Android بازاسىنداعى قۇرىلعىلار عانا قاۋىپسىزدىك ايماقتا قالىپ وتىر. سونداي- اق Windows پەن OS X وپەراتسيالىق باعدارلامالارىنا دا قاۋىپ تونبەۋدە.