باتىرحان شۇكەنوۆ اتىنداعى قور ءانشىنىڭ ەسىمى جازىلعان فۋتبولكالار شىعاردى
«سىزدەردىڭ سۇرانىستارىڭىز بويىنشا باتىرحان شۇكەنوۆ اتىنداعى قور ايەلدەر مەن ەرلەرگە ارناپ وسىنداي ءستيلدى فۋتبولكالار مەن كۇرتەشەلەر شىعاردى. تاۋاردى ساتۋدان تۇسكەن قاراجاتتىڭ بارلىعى قور كەڭسەسىنە جۇمسالادى»، - دەلىنگەن قوردىڭ رەسمي سايتىنداعى حابارلامادا.
ەسكە سالا كەتەيىك، 2015-جىلى 28- ساۋىردە باتىرحان شۇكەنوۆ قازا تاپتى
قازىر باتىرحان شۇكەنوۆ اتىنداعى قور بەلسەندى تۇردە قىزمەت ەتىپ كەلەدى. الماتىدا باتىرحان شۇكەنوۆ اتىنداعى مادەني ورتالىق قۇرۋ جوسپارلانعان. ونىڭ جانىندا مەكتەپ-ستۋديا جۇمىس ىستەيتىن بولادى. سونىمەن بىرگە كونسەرتتىك زالدىڭ، مۇراجايى بار مەموريالدىق كەشەننىڭ جانە ۆيدەودامحانانى اشۋ، جاس دارىندىلارعا كومەكتەسەتىن پروديۋسەرلىك ورتالىق قۇرۋ كوزدەلگەن.
سونىمەن قاتار، قازاقستاننىڭ مۋزىكالىق ءبىلىم بەرۋ مەكەمەلەرىندە تەگىن وقۋعا مۇمكىندىك بەرەتىن باتىرحان شۇكەنوۆ اتىنداعى شاكىرتاقى قۇرۋ مەجەلەنگەن.