بۇل تۋرالى ول كاليفورنياداعى باسپا ءسوز ءماسليحاتىندا ايتتى، - دەپ حابارلايدى ر ي ا نوۆوستي.
«ەگەر رەسەي ءبىز كورىپ وتىرعان ءتارتىپسىز بومبالاۋلارىن جالعاستىرا بەرسە، مەنىڭشە، ءبىز وپپوزيتسيانىڭ قانداي دا ءبىر جەتىستىككە جەتە المايتىنىن كورەمىز. ءيا، رەسەيلىك ارميا ەڭ ىرىلەرىنىڭ ءبىرى. سيرياداعى كوتەرىلىسكە قاتىسۋشى توپتار الەمدە قۋاتى جاعىنان ەكىنشى تۇرعان قارۋمەن جارىسا المايدى»، - دەپ كەلتىرەدى اگەنتتىك اق ءۇي باسشىسىنىڭ ءسوزىن.
وباما سيريانىڭ تۇراقتانۋىنىڭ العىشارتى دەپ ساياسي ترانسفورماتسيانى اتادى.
كاليفورنيادا سويلەگەن سوزىندە امەريكالىق پرەزيدەنت ا ق ش پەن رەسەيدىڭ سيرياداعى ارەكەتتەرىن وسى ەكى ەلدىڭ باسشىلارىنىڭ قارسىلاستىعىنىڭ كورىنىسى دەپ اتاۋعا كەلمەيتىنىن اتاپ ءوتتى. «سيريا - بۇل پۋتين مەن مەنىڭ جارىسىمىز ەمەس»، - دەپ كەلتىرەدى وبامانىڭ ءسوزىن Bloomberg.
ا ق ش پرەزيدەنتى رەسەيدىڭ ارالاسۋىنان جانە ونىڭ بەلگىلى ءبىر تابىستارىنان «سيرياداعى سوعىس اياقتالعان جوق» دەدى، - دەپ جازادى ر ب ك. «ەلدىڭ تورتتەن ءۇش بولىگىن ءالى كۇنگە اساد ەمەس، باسقا ادامدار باقىلاپ وتىر. ايتپاقشى، مەن مۇنى قۋانىشتان ايتىپ وتىرعان جوقپىن»، - دەدى ول.
وباما رەسەيدى سيريادا تۇيىقتالىپ قالۋى مۇمكىن دەپ ەسەپتەيدى: «پۋتين سيريانى ءاردايىم وككۋپاتسيالاۋعا قاراجات شىعىندايمىن دەپ ويلاۋى مۇمكىن، ءبىراق ول وتە قىمباتقا تۇسەدى. رەسەي ەكونوميكاسىنا قاراساق، بۇل، ارينە، رەسەي ءۇشىن جاقسى يدەيا ەمەس».
Kaz.tengrinews.kz