ەسىمى ادەمى قىزعا سىيلىق بار
ياعني ەسىمى وزگەلەردەن وزگەشە، توسىن ەستىلەتىن، ءمانى مەن ماعىناسى تەرەڭ، قۇلاققا جاعىمدى، ۇلتتىق داستۇرىمىزگە ساي كەلەتىن قىز- كەلىنشەكتەر «ايقىن» گازەتىنىڭ سىيلىعىن الۋعا مۇمكىندىگى بار.
وسىعان دەيىن جۇرت ءجيى باس قوساتىن «فەيسبۋكتە» اڭگىمەنىڭ ۇشىن شىعارۋىمىز سول ەكەن، قازىر جەكە پوشتامىزعا جۇزدەگەن ارۋلار قۇربىلارىنىڭ، تانىستارىنىڭ نەبىر قىزىقتى ەسىمدەرىن ۇسىنىپ جاتىر. ماسەلەن، كۇنمەناي، اقىلگەك، اقجۋسان، اقجەلەڭ، ۇكىلىم، گۇليىس، ۇلناز، ىزگىجان، قىزتۋماس، ادا، گۇلمينۇر، گۋلۋزا، كاتەپگۇل سەكىلدى جۇزدەگەن ەسىم ۇسىنىلدى.
«ايقىن» گازەتىنىڭ وقىرماندارى دا وسى باستاماعا اتسالىسىپ، ناعىز قازاقى ەسىمنىڭ يەسىن تاۋىپ بەرەتىندىگىنە سەنەمىز. ەسىمىن كىم قويعانىن، نە ءۇشىن سولاي اتاعانىن، اتىنا كىر كەلتىرمەۋ ءۇشىن قانداي ماقسات ۇستانعانىن ءبىلۋ دە بارىمىزگە قىزىقتى بولارى انىق. ەندەشە، سىزدەر تاپقان توسىن ەسىمدى يەمدەگەن قىز- كەلىنشەكتەر تۋرالى ماقالا نەمەسە اقپاراتتارىڭىزدى (توسىننان تۇسىرىلگەن سۋرەتىمەن) Joldas216@mail.ru ەلەكتروندى پوشتاسىنا جولداي الاسىزدار. نەمەسە ۇيالى تەلەفونىن حابارلاۋعا مۇمكىندىكتەرىڭىز بار.
ءسۇيىنشى - سىزدەن، سىيلىق - بىزدەن!