ەشكىسىن اعاش باسىنا جاياتىن ەل
بۇل كورىنىس حالىق اراسىندا قىزۋ تالقىعا ءتۇستى. اينالدىرعان 4-5 كۇننىڭ ىشىندە بۇل كورىنىستى ورتا ەسەپپەن 15 ميلليوننان اسا ينتەرنەت قولدانۋشى كورگەن. بۇل رەكوردتىق كورسەتكىش. ارينە، اسپاننان تۇسكەن بۇل توسىن جايتتىڭ انىق- قانىعىن ماماندار باعامداي جاتار. دەسەك تە، اتالعان ەلدە بۇدان باسقا دا تاڭقالارلىق وقيعالار جەتەرلىك. انىعىن ايتساق، ماروككو تۇرعىندارى جەكە يەلىگىندەگى مالىن، ياعني ەشكىلەرىن اعاش باسىنا جايادى. وندا دا كۇندە ەمەس، قۇرعاقشىلىق ورىن الىپ، ىشەرگە جەم- ءشوپ بولماي قالعان ۋاقىتتا. ادەتتە ءبىز تالدىڭ باسىندا وتىرعان قۇستاردى عانا كورىپ، كوزىمىز ۇيرەنىپ قالعان عوي. ال ماروككو ەشكىلەرى قۇرعاقشىلىقتان جەردە ازىق ەتەر ءشوپ قالماعاندا اعاشتىڭ باسىنا شىعادى. بۇل اعاشتار ەلدىڭ وڭتۇستىك باتىسىندا وسەدى. ارينە، ەشكىلەردى كەز كەلگەن اعاشتىڭ باسىنا جايۋعا رۇقسات جوق. وندا دا تىكەنەگى بار اعاشتاردىڭ باسىندا جايىلاتىنىن ايتا كەتۋ كەرەك. ال بۇل اعاشتاردان الەمدە تەڭدەسى جوق، تاعامنىڭ ءدامىن كىرگىزەتىن جانە وپا- دالاپتى جاساۋدا پايدالانىلاتىن اسا قىمبات ماي الىنادى. مۇنداي مايدىڭ ءبىر ءليترى شامامەن 100 دوللار. ماروككا فەرمەرلەرى ەشكىنى كۇندە ءار اعاشقا اپارىپ، جايىلىمدى وسىلاي اۋىستىرىپ وتىرادى. مىنە، ءسويتىپ ەكسپورتقا ءونىم شىعارۋدا، ماروككا ەشكىلەرى ەلگە وسىلاي پايداسىن تيگىزىپ وتىر.
جالپى ەشكى، قولعا العاش ۇيرەتىلگەن جانۋارلاردىڭ ءبىرى. وزبەك، قازاق، قىرعىز، بۋريات، موڭعول ەشكىلەرى ءسۇتتى، ەتتى، جۇندەس بولىپ كەلەدى.
حالىق اۋزىنداعى اڭىزعا نازار اۋدارساق، ەشكى ءسۇتىنىڭ كەرەمەت ەمدىك قاسيەتى بار. ەشكى ءسۇتى اۋىر ناۋقاستاردان كەيىن اعزاعا كۇش بەرەدى. اۆيتسەننا جەرلەستەرىنە قارتتىققا جەتكەندە ۇرپاق الدىندا سىيلى تۇرپاتقا يە بولۋ ءۇشىن ەشكى ءسۇتىن ۇدايى پايدالانۋدى ۇسىنعان. ەشكى ءسۇتىنىڭ ساپاسى سيىر سۇتىنەن اناعۇرلىم جوعارى. ونىڭ نارۋىزدارى اسا ساپالى، باسقا ازىقتارعا قاراعاندا ۆيتامينگە باي. شۆەيتساريانىڭ تاۋلى شيپاجايلارىندا تۋبەركۋلەز، انەميا مەن راحيت اۋرۋىنا شالدىققانداردى ەشكى سۇتىمەن ەمدەيدى.
جالپى تاۋ مەن تاسقا سەكەڭدەپ، ەركىن شىعا بەرەتىن ەشكىلەر تۋرالى تالماي ۇزاق ايتا بەرۋگە بولادى. ورىسكە قويدى باستاپ شىعىپ، قاشان دا وتاردىڭ الدىندا جۇرەتىن، جىلىنا ەكى رەت تولدەيتىن ەشكى جانۋارىنىڭ ەرەكشەلىكتەرى كوپ. قازىر ەشكى باعىپ، ءسۇتىن ءىشىپ، اعزانى كۇشەيتىپ وتىرعان ازاماتتار دا بار. ارينە، ءبىزدىڭ ەلدە ەشكىلەردىڭ اعاش باسىنا شىعىپ، جايىلاتىنداي قۇرعاقشىلىق جوق. ءبىراق ەشكى ءسۇتىنىڭ ەمدىك قاسيەتىن بارىن ءبارى بىلەدى. ءداستۇرلى قازاق قوعامىندا ءاربىر تۇلىكتىڭ ءپىرى بار. شەكشەك اتا حالىق اراسىندا ەشكىنىڭ ءپىرى رەتىندە كەڭىنەن تانىلعان. مال اماندىعىن تىلەگەن قازاق شەكشەك اتانى اۋىزعا الىپ، سىيىنعان. ەندەشە ەشكىگە دە ەرەكشە قۇرمەت كەرەك. دەمەك، «ەشكى سويىپ جەسەڭ - ءبىر كۇندىك، ساۋىپ ىشسەڭ - مىڭ كۇندىك» دەگەن ماقال بەكەر ايتىلماعان عوي.. .
«ايقىن»