قازاقستان مىسىردىڭ شارم-ەش-شەيح شيپاجايىنا اۋە رەيستەرىن جانداندىرۋ ماسەلەسىن قاراستىرىپ جاتىر
14:33, 16 - اقپان 2016
استانا. قازاقپارات - قازاقستان مىسىردىڭ شارم-ەش-شەيح شيپاجايىنا ۇشۋلاردى قالپىنا كەلتىرۋ ماسەلەسىن قاراستىرىپ جاتىر، دەپ حابارلايدى قازاقستاننىڭ ينۆەستيتسيالار جانە دامۋ مينيسترلىگىنىڭ ازاماتتىق ايۆاتسيا كوميتەتىنە سىلتەمەمەن ريا نوۆوستي اگەنتتىگى.
بۇعان دەيىن مىسىردىڭ اۆياتسيا مينيسترلىگى قازاقستان 19- ناۋرىزدان باستاپ شارم-ەش-شەيح شيپاجايلىق قالاسىنا ۇشۋلاردى قالپىنا كەلتىرەتىنىن مالىمدەگەن. باسقا ءبىرقاتار ەلدەر سياقتى، قازاقستان دا رەسەيلىك А321 اۋە كەمەسىنىڭ سينايدا اپاتقا ۇشىراۋىنان كەيىن شارم-ەش-شەيحقا ۇشۋلارىن توقتاتقان.
ا ا ك- نىڭ اقپاراتىنشا، 18-22- قاڭتار ارالىعىندا قازاقستان اۋە اۆياتسياسىنىڭ كوميسسياسى شارم-ەش-شەيح قالاسىنىڭ حالىقارالىق اۋەجايىندا اۆياتسيالىق قاۋىپسىزدىك جۇيەسىنىڭ ازاماتتىق اۆياتسيانى زاڭسىز ارالاسۋ اكتىلەرىنەن قورعاۋ بويىنشا ينسپەكتسيالىق تەكسەرىسىن وتكىزدى.