ق ر ورتالىق سايلاۋ كوميسسياسىندا ساياسي پارتيالاردى سايلاۋ بيۋللەتەنىندە تىركەۋ ءتارتىبىنىڭ جەرەبەسى ءوتتى - فوتو

استانا. قازاقپارات - بۇگىن ق ر ورتالىق سايلاۋ كوميسسياسىندا پارلامەنت ءماجىلىسى دەپۋتاتتارى سايلاۋىنا تۇسەتىن پارتيالاردىڭ ءتىزىمىن سايلاۋ بيۋللەتەنىنە تىركەۋگە وراي جەرەبە تاستاۋ ءراسىمى ءوتتى.

و س ك حاتشىسى باقىت مەلدەشوۆ جينالعانداردىڭ الدىندا 1 دەن 6 عا دەيىن ساندار جازىلعان قاعازداردى ارنايى حاتقالتاعا سالىپ، ساياسي پارتيالار كوميسسياعا قۇجات تاپسىرۋ رەتتەرى بويىنشا ونى اشىپ، وزدەرىنىڭ پارتيالارىنىڭ سايلاۋ بيۋللەتەنىنە تىركەلۋ ءتارتىبىن انىقتادى.

جەرەبەگە سايكەس سايلاۋ بيۋللەتەنىنە ەڭ ءبىرىنشى «نۇر وتان» پارتياسى ەنگىزىلەدى. ءنومىردى پارتيا ءتوراعاسىنىڭ ءبىرىنشى ورىنباسارى اسقار مىرزاحمەتوۆ تاڭداعان بولاتىن. ال ق ك ح پ سايلاۋالدى شتابىنىڭ جەتەكشىسى ايقىن قوڭىروۆقا 2-، «اق جول» پارتياسىنىڭ ءتوراعاسى ازات پەرۋاشەۆكە 3-، «بىرلىك» پارتياسى ساياسي بيۋروسىنىڭ مۇشەسى روزا قۋانىشبايەۆاعا 4-، ج س د پ سايلاۋالدى شتابى جەتەكشىسىنىڭ ورىنباسارى اسحات راقىمجانوۆقا 5-، «اۋىل» پارتياسىنىڭ حاتشىسى ءبورىباي جەكسەمبينگە 6- ءنومىر ءتۇستى.

جەرەبە قورىتىندىسىنا سايكەس 2016-جىلعى 20- ناۋرىزدا داۋىس بەرۋدى وتكىزۋ كەزىندە ساياسي پارتيالاردىڭ اتاۋلارى سايلاۋ بيۋللەتەنىنە وسى تارتىپپەن ەنگىزىلەدى.