فيلمنەن بۇرىن وقىلۋى ءتيىس كىتاپتار
ءبىراق، ەكراندالعان شىعارمالاردىڭ ادەبيەتتىڭ الدىن وراپ كەتە المايتىنى بەلگىلى. سول سەبەپتەن سىزدەرگە فيلمنەن بۇرىن وقىلۋى ءتيىس كىتاپتاردىڭ ءتىزىمىن الدىمەن ءتۇپ نۇسقاسىمەن تانىسىپ، كەيىن فيلمىن كورىپ سالىستىرادى دەگەن ماقساتپەن ۇسىنىپ وتىرمىز.
«تاڭداۋ»
نيكولوس سپاركستىڭ سۇيىكتى وقىرماندارىنا تاڭى دا ءبىر قۋانىشتى جاڭالىق. ونىڭ «تاڭداۋ» («ۆىبور») اتتى رومانىنىڭ جەلىسىمەن فيلم تۇسىرىلگەن. ءبىراق قالىڭ كورەرمەن قاۋىمعا قاي ۋاقىتتا جول تارتاتىنى بەلگىسىز.
رولدەردە: تەرەزا پالمەر، الەكساندرا دادداريو، بەندجامين ۋوكەر، توم ۋەللينگ.
تريەۆيس پاركەر ەسىمدى بويداق جىگىت جالعىزدىقتا ءجۇرىپ ەتى ۇيرەنگەن. ونىڭ جۇمىسى، كوڭىلدى دوستارى بار. ال ماحابباتقا كەلگەندە ەشقانداي قيىندىقتىڭ بولماۋىن قالايدى. جەڭىلدىڭ استىمەن، اۋىردىڭ ۇستىمەن جۇرگىسى كەلەدى. ءبىراق گابي ەسىمدى تۇيىق قىزدى كەزدەستىرگەن سوڭ، تريەۆيستىڭ ءومىرى 180 گرادۋسقا وزگەرىپ كەتەدى.
«سەنىمەن كەزدەسكەنگە دەيىن»
دجودجو مويەس ەسىمدى اتى شۋلى جازۋشىنىڭ «سەنىمەن كەزدەسكەنگە دەيىن» («دو ۆسترەچي س توبوي») رومانىنىڭ جەلىسىمەن تۇسىرىلگەن فيلم شىلدە ايىندا كورەرمەنگە جول تارتپاق.
رولدەردە: ەميليا كلارك، سەم كلافلين، مەتتيۋ ليۋيس.
شىعارمانىڭ باستى كەيىپكەرى لۋ كلارك جاقىن كۇندەرى سۇيىكتى جۇمىسىنان ايىرىلاتىنىنان بەيحابار. الداعى ۋاقىتتا ونى كوپتەگەن داۋ كۇتىپ تۇرادى. ۋيلل ترەينور ءوزىن قاعىپ كەتكەن موتوتسيكلشىنىڭ ءومىر سۇرۋگە دەگەن بار ىنتاسىن جۇلىپ اكەتكەنىن بىلەدى. ءبىراق ەكى كەيىپكەردىڭ تاعدىرى ءبىر ارناعا قوسىلاتىنىن ەكەۋى دە بىلمەيدى. قوس تاعدىر جارىسا اققان ارنا ءبىر-اق كۇندە...
«اليسا اينا ارتىندا»
ليۋيس كەررولل اليسانىڭ عاجايىپستانعا ساياحاتى تۋرالى ادەمى ەرتەگى جازىپ كەتكەن. بۇل جولى سول شىعارمانىڭ جالعاسى فيلم رەتىندە وسى جىلى مامىر ايىندا جارىق كورمەك.
رولدەردە: ميا ۆاسيكوۆسكا، دجونني دەپپ، ەنن حەتەۋەي، حەلەنا بونەم كارتەر.
اليسا عاجايىپتار الەمىن قايتا ورالىپ، ەسسىز قالپاقشىنى قۇتقارۋعا كەلەدى. كىشكەنتاي اليسا ەسسىز قالپاقشىنى ۋاقىت جانە قىزىق پاتشايىم ەسىمدى كەيىپكەرلەردىڭ قاقپانىنان قۇتقارعىسى كەلەدى.
«ۇلكەن ءارى مەيىرىمدى ءداۋ»
دال روالد ەسمىدى بالالار جازۋشىسىنىڭ سوفي ەسىمدى كىشكەنتاي قىز بەن عاجايىپتار ەلىنەن كەلگەن ءداۋدىڭ وقيعالارى باياندالاتىن «ۇلكەن ءارى مەيىرىمدى ءداۋ» ماۋسىم ايىندا فيلم رەتىندە جارىق كورەدى.
رولدەردە: بيلل حەيدەر، دجەمەين كلەمەنت، رۋبي بارنحيلل، رەبەككا حولل.
تۇندە سوفي تەرەزەگە قاراپ وتىرىپ، الىپ ءداۋدى كورىپ قالادى، قىزدى دا بايقاپ قالعان ءداۋ ونى وزىمەن بىرگە ەرتەگىلەر ەلىنە الىپ كەتەدى. ءداۋ ەرتەگىلەر ەلىندەگى ەڭ مەيىرىمدىسى بولعان ەكەن. ونىڭ باستى قىزمەتى بالالارعا ءتاتتى ءتۇس سىيلاپ، ولاردىڭ كوڭىلىن كوتەرۋ.
massaget.kz