ق ر ۇلتتىق بانكى تەڭگەنىڭ ەركىن ايىرباس باعامى ساياساتىن جۇرگىزە بەرەدى
«ۇلتتىق بانك تەڭگەنىڭ ەركىن ايىرباس باعامى ساياساتىن جۇرگىزۋىن جالعاستىرا بەرەدى. بۇل قازىرگى ساتتە بارىنشا ادەكۆاتتى رەجىم. بۇل ءبىر جاعىنان التىن- ۆاليۋتا اكتيۆتەرىن ساقتاۋعا، ەكىنشى جاعىنان وتاندىق تاۋار وندىرۋشىلەردىڭ باسەكەگە قابىلەتتىگىن قولداۋعا مۇمكىندىك بەرەدى»، - دەدى د. اقىشيەۆ.
ونىڭ اتاپ وتۋىنشە، قازىرگى ۋاقىتتا تەڭگەنىڭ كۇندەلىكتى ايىرباس باعامى ىرگەلى فاكتورلاردىڭ وزگەرىسكە ۇشىراۋى نەگىزىندە قالىپتاسىپ وتىر. ال وعان ۇلتتىق بانكتىڭ قاتىسۋى بارىنشا ازايتىلعان جانە نەگىزگى ترەندتەردىڭ وزگەرىسىنسىز كۇرت قۇبىلۋ ورىن العان كەزدە عانا احۋالدى رەتكە كەلتىرۋگە باعىتتالعان.
«نارىق قاتىسۋشىلارى ايىرباس باعامىنىڭ ارتۋىنا، سونىمەن قاتار تومەندەۋىنە قاتىستى قۇبىلمالىققا بىرتىندەپ ۇيرەنىپ كەلەدى. بۇعان قوسا، ونىڭ سەرپىنىن ايقىندايتىن فاكتورلاردى دا جاقسى تۇسىنە باستادى»، - دەدى ۇ ب ءتوراعاسى.