قازاقستان مەن سەربيا قۇرامالارى اراسىندا ءۇشىنشى ورىن ءۇشىن بولعان ويىندى ارەنادا11,161 جانكۇيەر كورگەن. سونداي- اق ەۋروپا چەمپيوناتتارىن وتكىزۋ كەزىندە تۋرنيردى تاماشالاعانداردىڭ سانى العاش رەت 100 مىڭنان استى. قازاقستانمەن ويىن باستالار الدىندا سەرب فاناتتارى «ءبىز ءۇشىن سىزدەر قازىردىڭ وزىندە جەڭىمپازسىزدار» دەپ جازىلعان ۇلكەن باننەر ءىلىپ قويدى جانە ويىننىڭ اياعىنا دەيىن بەلسەنە قولداپ وتىردى.
ەسكە سالا كەتسەك، سەربيانىڭ بەلگراد قالاسىندا فۋتزالدان ەۋروپا چەمپيوناتىنىڭ قولا جۇلدە ءۇشىن باسەكەسىندە قازاقستان قۇراماسى الاڭ يەلەرىمەن كۇش سىناسىپ، 5:2 ەسەبىمەن جەڭىسكە جەتتى.
ءسويتىپ بىلىكتى باپكەر كاكاۋدىڭ شاكىرتتەرى ەۋروپا بىرىنشىلىگىنە تۇڭعىش رەت قاتىسقانىنا قاراماستان، ايدى اسپانعا شىعارىپ، قولا جۇلدەگەر اتاندى.