ەركەك پەن ايەلدىڭ ءبىر كۇنگى كۇندەلىگى

نۇر- سۇلتان. قازاقپارات - ەر مەن ايەلدىڭ اراسىنداعى قارىم-قاتىناس، كۇندەلىكتى ءومىر تۇيتكىلى، ايەل جانىنىڭ نازىكتىگى مەن ەر ادامنىڭ وزىنە ءتان مىنەزى بەينەلەنگەن.

ايەلدىڭ كۇندەلىگى:

كەشە كەشتە ول راسىندا ءبىر ءتۇرلى بولدى. مەن ونىمەن سىرتتان تاماقتانۋعا ۋادەلەسكەم. الايدا ءبىر دوسىممەن بازار ارالاپ زات ساتىپ الدىم. سودان ءسال كەشىگىپ بارىپ ەدىم، ول سوعان رەنجىدى مە، بىلمەيمىن، قاباعى تۇنەرىپ وتىردى.

مەنى ەلەپ-ەسكەرگەن جوق، وتىرىسىمىز كوڭىلسىز بولدى، مەن وزدىگىمنەن ودان كەشىرىم سۇراپ، كوڭىلىن اشايىن دەپ ويلادىم. الايدا ول تۇنەرگەن بەتى وڭالعان جوق. نە بولعانىن سۇراسام، «ەشتەڭە بولمادى» دەيدى.

«ماعان رەنجىدىڭ بە؟» دەپ سۇراسام، «بۇنىڭ سەنىمەن قاتىسى جوق» دەيدى. ۇيگە قايتار جولدا وعان ءوزىن سۇيەتىندىگىمدى ايتتىم. ول ءۇن-ءتۇنسىز جۇرە بەردى. تيتتەي ەمەۋرىن بىلدىرگەن جوق. تۇسىنبەي قالدىم.

ول نەگە ماعان «سەنى دە سۇيەمىن» دەي سالمايدى؟! ۇيگە كەلگەندە ودان قورقا باستادىم. تەك تەلەديداردىڭ الدىندا مەلشيىپ قانا وتىردى. ءالى ءۇن جوق. ونىڭ كوڭىلى مەندە ەمەس ەكەنىن بايقادىم. مەن ونىڭ الدىندا جوققا ءتان بولدىم. 10 مينۋتتان كەيىن ول توسەككە باس قويدى.

وسى ورايدا كۇيەۋىممەن جاقسىلاپ سىر شەرتىسپەك، تۇسىنىسپەك بولىپ ەدىم. ءبىراق، ول سالدەن سوڭ قورىلداپ ۇيىقتاپ كەتتى. مەن قاتتى ازاپتاندىم، جىلاي-جىلاي شارشاپ مەندە ۇيىقتاپ كەتىپپىن.

مەن قازىر ونىڭ سىرتتا جاقسى كورەتىن ادامى بار ەكەنىنە سەنىمدىمىن. بولماسا ول نەگە ماعان بۇلاي ىستەيدى. قايتسەم بولادى؟ بۇل ءومىردىڭ ەندى ماعان قاجەتى نە؟..

كۇيەۋىنىڭ كۇندەلىگى:

اكەڭدى... يتاليا كومانداسىنىڭ جەڭىلىپ قالعانىن قاراشى ...

Baq.kz