دات كومپانياسىنىڭ شىعىنى رەكوردتىق كورسەتكىشكە جەتتى

استانا. قازاقپارات -  Moller- Maersk الەمدەگى ەڭ ءىرى كولىك جانە ەنەرگەتيكا سالاسىنداعى داتتىق كومپانيا شىعىنعا شاش ەتەكتەن باتۋدا.

  بۇل تۋرالى «الماتى» تەلەارناسى «ىسكەرلەر ۋاقىتى» باعدارلاماسى حابارلايدى.

 وتكەن جىلدىڭ ءتورتىنشى توقسانىنداعى شىعىستار كولەمى 2,5 ميلليارد دوللارعا جەتكەن. اسىرەسە، الىپ مەكەمەنىڭ Maersk Oil بولىمشەسى داعدارىس سالدارىنان نە ىستەرىن بىلمەي داعدارىپ وتىر. ويتكەنى بۇل ءبولىمنىڭ تىرلىگى قارا التىنعا تىرەلگەن. سونداي- اق جۇك تاسىمالداۋ نارىعىندا جاعداي ۋشىعا تۇسكەن. وتكەن جىلدىڭ ەسەبى بويىنشا، Moller- Maersk 3 ميلليارد دوللار تابىس تاپقان. بۇل 2014 - جىلعى كورسەتكىشپەن سالىستىرعاندا 4 ەسەگە كەم.