وسكەمەندە تەڭدەسى جوق تەڭگەلەر كورمەسى ءوتتى

استانا. قازاقپارات - وسكەمەندە ەلىمىزدىڭ تاريحي ماڭىزدى وقيعالارىنا ارنالعان مونەتالار كورمەسى ءوتتى.

ولاردىڭ اراسىندا ۇلتتىق ۆاليۋتامىزدىڭ 20 جىلدىعىنا، شاڭحاي ىنتىماقتاستىق ۇيىمىنىڭ 10 جىلدىعى قۇرمەتىنە قۇيىلعان تەڭگەلەردى كورۋگە بولادى. اسىرەسە تەڭگە سارايىنىڭ «كوسموس» سەرياسى بويىنشا شىعارعان توپتاماسى بىردەن كوپشىلىكتىڭ كوزىنە ءتۇسىپ، ەرەكشە اسەر قالدىردى. بۇل مونەتالاردا كۇمىس پەن تانتالدىڭ قوسپاسى بار.

سوندىقتان دا تەحنيكالىق جاعىنان اسا كۇردەلى بولىپ سانالادى دەيدى ماماندار. تاۋەلسىزدىك العالى بەرى قازاقستاننىڭ تەڭگە سارايى ماڭىزدى داتالارعا جانە تانىمال تۇلعالاردىڭ مەرەيتويىنا، سپورتتىق سايىستارعا ارنالعان الۋان ءتۇرلى مىڭداعان تەڭگەلەر جاساپ شىعاردى.

بۇل كورمەگە سولاردىڭ تەك ءبىر بولىگى عانا قويىلعان.

باقتىلى راحىمبايەۆا، قالا تۇرعىنى:

- مەن ءبىرىنشى رەت تەڭگە سارايىنىڭ ونىمدەرىن ءوز كوزىممەن كورىپ وتىرمىن. دەپۋتاتتار مەن ەلىمىزگە ەڭبەگى سىڭگەن قايراتكەرلەردىڭ ءتوس بەلگىلەرى دە وسى جەردە جاسالادى ەكەن. كوللەكسيالىق تەڭگەلەردىڭ وتە قۇندى ەكەنى كورىنىپ-اق تۇر. ماعان اسىرەسە ديزاينەرلىك بەزەندىرىلۋ قاتتى ۇنادى.

www.24.kz