پاۆلودارلىق قىز فلوريدا شتاتىندا اعىلشىن ءتىلىن مەڭگەرىپ كەلىپ ءوز بيزنەسىن اشتى
بۇل تۋرالى مەكەمەنىڭ ديرەكتورى ايجان قويسويماسوۆا ءمالىم ەتتى.
- اناستاسيا جاستار ۇيىنە 18 جاسىندا روزوۆكا بالالار ۇيىنەن ءسىڭلىسى يرينامەن بىرگە كەلگەن. ول ازىق-تۇلىك ونىمدەرى تەحنولوگى ماماندىعى بويىنشا ەۋرازيالىق يننوۆاتسيالىق ۋنيۆەرسيتەتىندە ءبىلىم الىپ، قوسىمشا جۇمىس ىستەدى. سونداي-اق شەتەلدە ءدامحانالاردا ەڭبەك ەتىپ، بار تابىسىن جيناعان. وسىلايشا، بىلتىرعى جىلى ءوز قارجىسىنا ءبىر بولمەلى پاتەر مەن كولىك ساتىپ الدى، - دەيدى ا. قويسويماسوۆا.
جاستار ءۇيى ديرەكتورىنىڭ ايتۋىنشا، بۇگىنگى تاڭدا 97 تاربيەلەنۋشى «جاس ۇرپاق» مەكەمەسىندە تۇرادى. ولاردىڭ 47 ءسى قىزدار بولسا، 50 ءى - ەر بالالار. الدىنا ۇلكەن مىندەت قويعان قىز ستۋدەنت كەزىنەن روزوۆكا اۋىلىنداعى ۇستازى يننا اندريانوۆاعا بارىپ، اعىلشىن ءتىلىن ۇيرەنگەن.
- ازىرگە كونديتەرلىك ونىمدەرگە سۇرانىس تا جوعارى. قوسىمشا MAMADANCE ءبي مەكتەبىندە اكىمشى بولىپ جۇمىس ىستەيمىن. مەنىڭ بار ماقساتىم - ۇزدىك كونديتەر قىرىنان تانىلىپ، كەيىن شەبەر تەحنولوگ مامان اتانۋ جانە ءوز بيزنەسىمدى ءارى قاراي دامىتۋ. ەڭ باستىسى، ارمانعا قول جەتكىزۋ ءۇشىن تىنباي ەڭبەك ەتۋ كەرەك، - دەيدى اناستاسيا زەلەنوۆا.