ۇكىمەتكە جۇكتەلگەن تاپسىرمالاردىڭ وزەگى قاراپايىم حالىقتىڭ ءال-اۋقاتىن ارتتىرۋعا باعىتتالىپ وتىر - ن. نازاربايەۆ
سونداي-اق، مەملەكەت باسشىسى پرەزيدەنت اكىمشىلىگىنە ۇكىمەتكە جۇكتەلگەن تاپسىرمالاردىڭ اتقارىلۋىن باقىلاۋدى قامتاماسىز ەتۋدى مىندەتتەدى. جيىن سوڭىندا ەلباسى باسقا مەملەكەتتەردە ءدال قازاقستانداعىداي داعدارىسقا قارسى شارالار قولعا الىنباعانىن، بۇعان كوپتەگەن مەملەكەتتەردىڭ كۇشى دە جەتپەي وتىرعانىن اتاپ ءوتتى.
«كوپتەگەن مەملەكەتتەر كۇردەلى جاعدايدى باستان كەشىپ وتىر، الەۋمەتتىك شىعىستارىن قىسقارتۋعا ءماجبۇر بولىپ، قولعا الىنعان جوبالاردى توقتاتىپ جاتىر. سونىڭ سالدارىنان كوپتەگەن ەلدەردە جۇمىسسىزدىق ءورشىپ تۇر. ءبىز يندۋستريالىق نىساندار سالۋدى جالعاستىراتن بولامىز، جاڭا نارىقتار دا اشىلادى. جالپى العاندا ءبىزدىڭ داعدارىسقا قارسى ەكونوميكالىق ساياسات ەكونوميكالىق ءوسىمنىڭ جاڭا كوزدەرىن اشۋ مەن يەلەنۋگە عانا باعىتتالىپ وتىرعان جوق. مەنىڭ بارلىق تاپسىرمالارىمنىڭ وزەگى - قاراپايىم حالىقتىڭ دىلگەرلىگىنەن شىعىپ، جۇرتشىلىقتىڭ ءال- اۋقاتىن ارتتىرۋعا، تۇراقتىلىققا نەگىزدەلەدى»، - دەدى پرەزيدەنت.
جيىن بارىسىندا 2015 -جىلدىڭ الەۋمەتتىك- ەكونوميكالىق دامۋ قورىتىندىلارى جانە اعىمداعى جىلعى جوسپارلار تۋرالى ۇلتتىق ەكونوميكا ءمينيسترى ەربولات دوسايەۆ بايانداما جاسادى. ال 2015 -جىلعى مەملەكەتتىك بيۋدجەتتىڭ ورىندالۋى تۋرالى قارجى ءمينيسترى باقىت سۇلتانوۆ، اقشا- كرەديتتىك ساياسات تۋرالى ۇلتتىق بانك ءتوراعاسى دانيار اقىشەۆ باياندادى.