قازاقستاندا اشىق بازارلاردىڭ ورنىنا ەلەكتروندى بازارلار اشىلۋى مۇمكىن
بۇل تۋرالى ول بۇگىن استانا قالاسى بويىنشا مەملەكەتتىك كىرىسىتەر دەپارتامەنتىنىڭ كەڭەيتىلگەن وتىرىسىندا ءمالىم ەتتى.
«جالپىعا بىردەي كىرىستەردى دەكلاراتسيالاۋ جۇيەسىن ەنگىزۋ مىندەتى قويىلعاندىقتان، بازارلار بىزدە «كولەڭكەلى» كىرىستەردىڭ بارلىعى باعىتتالاتىن وشاققا اينالادى. بىزدە كولەڭكەلى ەكونوميكانى قىسقارتۋ بويىنشا ۇكىمەتتىك باعدارلامادا كورسەتىلگەن، 2018-2019 -جىلدارى اشىق بازارلاردى جابۋ جونىندە شەشىم شىعارىلۋى كەرەك. بىزدە ويلاستىرىلىپ وتىرعان ءبىرقاتار شەشىمدەر بار»، - دەدى ول.
ونىڭ ويىنشا، اشىق ءتيپتى بازارلاردىڭ ورنىن تولتىرۋ ءۇشىن يننوۆاتسيالىق شەشىمدەر دە قولدانىلۋى ىقتيمال.
«ءبىز ەلەكتروندى بازارلار قۇرۋ جونىندە ۇسىنىستى ەنگىزۋگە دايىنبىز. ياعني ونى قىتايلىق Alibaba نەگىزىندە جاساۋعا دا بولادى. ۆيرتۋالدى بازارلار قۇرساق. بازارلاردا ساتىلىپ جاتقان زاتتار ينتەرنەتتە دە بار. ولارداعى تاۋارلار باعاسى دا دۇكەندەردەن الدەقايدا ارزان. ەلوردا نارىعىنداعى تاۋارلار نەگىزىنەن ق ح ر- دان كەلەتىن ارزان تاۋارلار ەكەنى جاسىرىن ەمەس. ءدال وسىلاي ءبىرىڭعاي ساۋدا ورنىن قۇرۋعا دا بولادى. وندا ساتىپ الۋشىلار الاياقتاردان قورعالاتىن بولسا، ءتىپتى جاقسى، ساتۋشىلار دا سۋىق جەردە تۇرماس ەدى، قويمالاردان تاۋارلاردى الىپ وتىرسا بولدى. ءبىز تاۋارلاردى جەتكىزۋ سياقتى كۋرەرلىك كلاستەردى دە ءبىر كوتەرىپ تاستار ەدىك»، - دەپ اتاپ ءوتتى ول.
اۆتور: جاسۇلان جولدىبايەۆ