اتىراۋلىق ازاماتتىڭ قولىندا قۇران جولدارى پايدا بولدى - فوتو

استانا. قازاقپارات - اتىراۋدا دەنەسىندە «اللا» دەگەن جازۋى بار ادام تۇرادى، دەپ حابارلايدى «حابار» ارناسى.

اتىراۋ قالاسىندا دەنەسىنە اللانىڭ اتى جازىلعان ەرەكشە ادام تۇرادى. 40 جاستاعى ارمان قۇسپاناليەۆ قاڭتاردىڭ 25 ىنەن 26 نا قاراعان ءتۇنى قىزۋى قاتتى كوتەرىلىپ اۋىرادى. «ول مۇسىلمانشا ءماۋلىت ايىنىڭ اياقتالعان ءساتى»، - دەيدى بىلەتىندەر.

كەيىن باسىن كوتەرگەن سوڭ دەنەسىنەن ارابشا جازۋ تاڭبالارىن بايقاعان. اتاپ ايتقاندا، تىلىندە جانە جۇرەك تۇسىندا «اللا» دەگەن جازۋ انىق كورىنىپ تۇر.

«مۇنداي جازۋ مەنىڭ دەنەمدە 2012-جىلى ورازا ايىندا دا پايدا بولعان. ءبىراق ول كومەسكى كورىنىپ تۇرعاسىن جاريا ەتۋگە جۇرەكسىندىم. ەندى وسى جولى 3 جەردەن انىق كورىنىپ تۇر. بۇل دا بولسا، اللانىڭ ماعان دەگەن ىقىلاسى بولار دەپ ويلايمىن. باسقاداي ەرەكشە قاسيەتىم جوق. قاراپايىم اداممىن»، - دەيدى اتىراۋ قالاسىنىڭ تۇرعىنى ارمان قۇسپاناليەۆ.