تارتىپتىك كەڭەستەردىڭ ورنىنا ەندى ادەپ جونىندەگى كەڭەستەر ىسكە كىرىسەدى - فوتو
بۇل تۋرالى بۇگىن ورتالىق كوممۋنيكاتسيالار قىزمەتى وڭىرلىك فيليالىندا وتكەن باسپا ءسوز ءماسليحاتىندا ق ر مەملەكەتتىك قىزمەت ىستەرى مينيسترلىگى باتىس قازاقستان وبىلىسى بويىنشا دەپارتامەنتىنىڭ باسشىسى، ادەپ جونىندەگى كەڭەس ءتوراعاسى ميربولات نۇرتازين ءمالىم ەتتى.
ونىڭ ايتۋىنشا، اتالعان كەڭەستەر قىزمەتتىك ادەپ نورمالارىن بۇزۋعا، سونىڭ ىشىندە مەملەكەتتىك قىزمەتكە كىر كەلتىرەتىن تەرىس قىلىقتارعا جول بەرگەن باسشى لاۋازىمداعى مەملەكەتتىك قىزمەتشىلەردىڭ ىستەرىن قارايتىن بولادى. بۇرىن مەملەكەتتىك قىزمەتشىلەر سىبايلاس جەمقورلىققا جاعداي جاساعانى ءۇشىن تارتىپتىك جاۋاپكەرشىلىككە تارتىلىپ كەلسە، قازىر بۇل «سىبايلاس جەمقورلىققا قارسى ءىس- قيمىل تۋرالى» زاڭىنان الىنىپ تاستالدى. ەسەسىنە «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭىنىڭ 50-بابىنا سايكەس مەملەكەتتىك قىزمەتكە كىر كەلتىرگەن قىزمەتشىلەر تارتىپتىك شاراعا تارتىلاتىن بولادى. بۇعان دەيىن تارتىپتىك جازاعا تارتاتىن نەگىز 14 تارماقشادان اسپاسا، اتالعان باپتىڭ 1-تارماعى ەندى 19 تارماقشاعا دەيىن جەتكىزىلدى. ادەپ جونىندەگى كەڭەستىڭ جاڭا قۇرامى مينيسترلىك بەكىتكەننەن كەيىن بەلگىلى بولادى.
ميربولات سۇيەۋ ۇلىنىڭ اتاپ وتكەنىندەي، قازىرگى كەزدە مەملەكەتتىك قىزمەتتىڭ تومەنگى لاۋازىمىنا ۇمىتكەر رەتىندە بۇرىن مۇنداي قىزمەتتە بولماعان جاستار دا قاتىسا الادى. ياعني تاجىريبەسى جوق جاس تۇلەكتەرگە دە جول اشىلىپ وتىر.
باسپاءسوز ءماسليحاتىندا سونداي- اق ق ر مەملەكەتتىك قىزمەت ىستەرى مينيسترلىگى ب ق و بويىنشا دەپارتامەنتى سىبايلاس جەمقورلىققا قارسى باسقارماسىنىڭ باسشىسى ءبىرجان حايرۋللين سىبايلاس جەمقورلىقتىڭ الدىن الۋ جانە وعان قارسى مادەنيەتتى قالىپتاستىرۋ باعىتىندا قولعا الىنىپ جاتقان جۇمىستار جونىندە اڭگىمەلەپ بەردى.
ايتا كەتەيىك، كۇنى بۇگىن وبلىستا مەملەكەتتىك قىزمەتتە 4287 ادام ەڭبەك ەتۋدە، ال شتاتتىق بىرلىك سانى - 4447.