بەس ءتۇرلى اداممەن دوستاسپا
«اكەتاي، ايتقانىڭىزدى قۇپ الدىم. ول بەس ءتۇرلى ادامنىڭ قانداي ادامدار ەكەنىن بىلدىرمەس پە ەكەنسىز؟» - دەپ سۇرادىم. سوندا بىلاي دەپ ءتۇسىندىردى:
«پاسىق (اللانىڭ بۇيرىقتارىن ورىندامايتىن) اداممەن دوس بولما. ويتكەنى ول سەنى ءبىر جۇتىم اسقا، ءتىپتى بولار-بولماس نارسە ءۇشىن-اق ساتىپ كەتەدى». «بولار- بولماس دەگەندى تۇسىندىرەسىز بە؟» دەپ سۇرادىم. «ايتپاعىم، قولى جەتسە دەپ ولەرمەندىك تانىتىپ، ءبىراق قولى جەتپەگەن نارسە».
«اكەتاي، ەكىنشىسى كىم؟»
«ساراڭمەن دوس بولما! ويتكەنى ول قاتتى قينالعان كەزىڭدە دۇنيەسىن قورعاشتاپ، سەنىمەن ارالاستىعىن ۇزەدى».
«ءۇشىنشىسى كىم؟»
«وتىرىكشىمەن دوس بولما! ويتكەنى ول جاقىندى ساعان الىس ەتىپ كورسەتەدى».
«ءتورتىنشىسى كىم؟»
«اقىماقپەن دوس بولما! ويتكەنى ول ساعان پايدا تيگىزەمىن دەپ زيان تيگىزەدى».
«اكەتاي، بەسىنشىسى كىم؟»
«جاقىن تۋىستارىمەن ارالاسپاي كەتكەن اداممەن دوس بولما! ويتكەنى قۇران كارىمنىڭ تۋرا ءۇش جەرىندە بۇنداي ادامنىڭ وڭبايتىندىعى ايتىلعانىن بايقادىم».
islam.kz