مەكتەپ اۋلاسىنا كىرىپ كەتكەن قابىلان التى ادامدى جاراقاتتادى
15:51, 09 - اقپان 2016
استانا. قازاقپارات - ءۇندىستاننىڭ بانگالور قالاسىندا جەرگىلىكتى مەكتەپتىڭ اۋلاسىنا كىرىپ كەتكەن قابىلاندى ۇستاپ الماق بولعان التى ادام جاراقات الدى.
زارداپ شەككەندەر - عالىم، ورمانشى جانە جەرگىلىكتى تەلەارنانىڭ تەلەوپەراتورى. ولار قاۋىپتى جانۋاردى ۇستاۋ ءۇشىن 10 ساعات ارپالىسقان.
حالىقارالىق مەكتەپتىڭ اۋماعىنا كىرىپ كەتكەن قابىلاندى اقىرى ولار ينە اتىپ ۇيىقتاتىپ، ول كورشى قورىقتا بوستاندىققا جىبەرىلدى.
تاياۋدا وتكىزىلگەن ەسەپكە سايكەس، ءۇندىستاندا 12-14 مىڭ قابىلان مەكەندەيدى، دەپ جازادى شەتەلدىك ب ا ق.